اغـــيــــب لـــكـــن ؟؟؟

[مزيد المزيد]

اسعد الله اوقاتكم يكل خير ,,

يابنت هدي وضعك شوي يابنت=خوذي كلامي كان ودك كلامي


ما أذكر اني في حياتي تلونت=واضح صريح ولــ أحب الظلامي

.
.
.
.
.

اجوع لكن ماذكر اني تهاونت=في عزتي لو هي تحقق مرامي


اغيب لكن ماذكر اني تبينت=في موقف " يهز هيبة مقامي

واطيب لكن ماذكر اني تمننت=حتى لو اني دون حلقي احامي


واضيق لكن ماذكر اني تفننت=في ذم غيري لو لحقني ملامي

.
.
.
.
.

واحب لكن يعلم الله ما لنت=الا بحضن اللي تموت بغرامي

الجادل اللي كل ماقلت هونت=شبت عروق القلب شوق وهيامي


في حضنها ادمان اي والله ادمنت=احس كني كل مابعدت ضامي

وفي عينها كتبت حرفي ودونت =احلى القصيد اللي بـ بصمة ابهامي


ماكان طاري لي جفاها وماكنت=احسب حساب الجفا والخصامي

.
.
.
.
.

واليوم شكرا .. ياقصيدي ولاهنت =لامت انا وش حاجتي بالمحامي


من يوم شفت العين تبكي على بنت=صارت حروفك ماتثير اهتمامي