يامـل قلـب ٍ كـل هـم ٍ يمسـه
ـــــــــــــــ مسة حبـال مهـاوزات الأظلـه
ولي عجوزٍ كـل حيـن ٍ تعسـه
ــــــــــــــــ حتى السفيه من العرب جايز ٍ له
طس السبيل من اشقر اللون طسّه
ـــــــــــــــ الشاوري يجلي عن القلب علـه
من كيس قـرمٍ دايـم ٍ مايدسـه
ـــــــــــــــ تلقاه مقروط ٍ علـى جـال دلـه
لاشفت ظول الناس بالـك تعسـه
ــــــــــــــــ ولاجنبك شـر المخاليـق خلـه؟
لو عندنا من غيب الايـام رسـه
ـــــــــــــــ الآدمـي مصلـوح نفسـه يدلـه
يالله ياللي كـل صـوتٍ تحسـه
ـــــــــــــــ عقد البلش غير انت محدٍ يحلـه
تفرج لمن مثلـي زمانـه يرسـه
ـــــــــــــــ عليه من بعـض المعانـي مملـه
عليه من بعض المعانـي محسـه
ــــــــــــــــ ساعة خرج من علة ٍ جـاه علـه
البوم يفرس والفهد صـار بسـه
ـــــــــــــــ تبدلـت دنيـاك يافطـن ٍ لــه
سبع الخلا كيف الضواين تنسـه
ـــــــــــــــ والصلح من راع الغنم ماحصل له
القبس يـورد والظوامـي تلسـه
ـــــــــــــــ والمزن عطشان والوطى مايبلـه
لاصار عن حقك سلاحـك تدسـه
ـــــــــــــــ ماينقعد لك في حضـون المذلـه
الاخ العزيز/ عوض خميس
الله يعطيك الف عافيه اختيار راااائع وموفق
لشاعر جزل ورمز من رموز الجزيرة العربيه
لك مني اجمل التحايا والاحترام