مرضي الخمعلي هنا .. الف ترحيبة

[خلف الغريب]

ارحب فيه هنا ..

ان قلت انه شاعر فقد صدقت
وان قلت انه اعلامي فقد صدقت
وان قلت انه بدوي فقد صدقت
وان قلت انه مصور فوتوغرافي مميز فقد صدقت ..



باختصار مجموعة مواهب في شخص واحد شرفنا بقبول الدعوة الكريمة وهو الشاعر المبدع مرضي الخمعلي ..

تعالوا معي هنا :

سما هذا الغلا بين الضلوع وستّـل الجنحـان=يحلّق في مـدارات الخفـوق الحالـك لحالـه
شدا بأعذب حروفٍ للهوى، ويبـادل الألحـان=على كـل المقامـات يعـزف ويجـر موالـه
تباها بأنه لحاله ملك قلـب وشعـور إنسـان=بعد جرّه على سلك الغـرام وسـاق مرسالـه
بعد شاله على كف السعادة وأشعـل النيـران=وحمس بنّه على جمر الضلوع وبهّـر دلالـه
وأنا اللي للغلا ودلال عشقه جيت له (عمسان)=تقهوى العشق من دمّي بعدهـا مـد فنجالـه

اعرف انكم اقتنعتم بكلامي ولكن خذوا هذه للتأكيد :

ألا يا مهـرة مـرّت علـى ميـدان قلبـي هـذب=تهنّف بالصهيل ولا عليهـا مـن المهـار ضيـاق
تمطرح بالخفوق ولا لقـت غيـر المـذاق العـذب=تلاعب بالنظـر كنّـه عيـون الماهـر السـرّاق
تغطرف بالجموح وتجذب أنفـاس المشقّـا جـذب=تذّكره الكـلام اللـي ورد فـي نزهـة المشتـاق
وأنا المستسلم اللي ما ملـك رد وصـدود وشـذب=أجمّل عينـي بشوفـه، واسبّـح للولـي الخـلاق
وأغض الطرف وأرفع، هو صحيح الشوف وإلا كذب=وأفز لمسكت عنانه وأطيـح. ولا تشيـل السـاق

رحبوا معي اخوتي الكرام بهذا القادم الى ضفاف ويلان وهو من اهله ولكن الترحيب للقادم واجب..

تحياتي ..