اه مقصر حـــلاها ....

[جبار بن عابر]

كني الشمعه اللـي تحتـرق ياسعـود

تحترق لجل تضوي جو مـن حولهـا

يوم بعض الخلايق ياصديقـي رقـود

والله إنـي لاشيـل جبـال بحمولهـا

الحقايق تسولف في غيـاب الشهـود

والرجاجيـل تمـدح حـزة افعولـهـا

صابرن والصبر لوهو تعـدى الحـدود

والســوالـف بعضهـا مقـدر اقولهـا

أشرب المر وأصبر مثل شرب النفود

مايبـــيٌـن علـيهـا كثـرت سيولـهـا

كيف ننسى علوم ٍ ترجموه الجـدود

يوم هي بالمواقـف تشهـد اخيولهـا

سود الايام تجرحنـي ومـر القيـود

كيف أعدل خطايا النـاس واخبولهـا

أكره اللـي بطبعـه للجمايـل جحـود

مثل مااكـره حكـي دقاقـة اطبولهـا

والله إني لغير اجرح وأغيض الحسود

والجمايل تعـرف الطيـب محصولهـا

ماتهون المبادي ماتهون العهود

يوم تبكي بخل حذاية نعولها

وكـل مـاراح ماظنـه علينـا يعـود

آه مقصـر حـلاهـا وآه ياطولـهـا

ماجرحني غرام صغيرات النهود

كلمتن من صديـق وبـان مفعولهـا



للشاعر الرائــع / مروي الســــديري العنزي