مصافحه اتمنى ان ترتقي لذواقكم الراقيه - °~*¤®§(§ شبـــكة ويــلان العـربـيـه §)§®¤*~ˆ°

**ناصر الوايلي** · 09/01/10, (08:40 PM)

هلّت مزون الشعر وستبشر الـذوق=وروت ضما من يعشق البيت مليان
ومن بعد مالاحت من مزونه ابروق=ماللقوافـي والجزيـلات مـزبـان
الشارده تعسف وتنساق لي سـوق=تنساق ليه غصب في كـل حقـران
وانا على راس الشواميخ من فـوق=ونا لهن يصاحب العـرف سلطـان
نقوة فرايد تطـرب ايـات مخلـوق=نظم الجوهر بين لؤلـؤ ومرجـان
ابعد عن الي مكرر وصار محـروق=نعشق جديد/ن/ماكلت فيه الازمـان
لصاحب احلى من طعم توت بعذوق=ولذ من ذوب العسل من على لسان
ولذ من غبوق من صفوت النـوق=وحلى من الماء لادهل كبد عطشان
وعدونا من سطوة البيت مخنـوق=ولا هو على رد التماثيـل شرهـان
لذاقها يلقـى بهـا السـم مدفـوق=وبسبابها متهالك الحيـل مرضـان
وان عااش يبقى هو مع الذل مرفوق=ولايكون انسـان كايـن ولا كـان
غنّيت طرق/ن/قبلنا كـان مطـروق=طرق/ن/ يخلي راعي(؟؟؟؟؟)طربان
لهل الذوايـق لايقـن يافهـد لـوق=الي انزلو لـه يافتـى كـل ميـدان
الي لهم في ساحته بيـت مرمـوق=الي بنو صـرح القوافـي والاوزان
مجلب يكود الغاليه داخـل السـوق=وبعد عن الي داخل السوق مجـان
ابيع وشري بين جملـه ومفـروق=وسست في وسطه ثمانيـن دكـان
على الجزيله ساقني داعي الشـوق=داعي دعاني مادعاء غيري انسـان
حب (الجزيله)_دم_والوايلي عروق=وروح القصيده يافتى الجود شريان
هذا كلام الصدق والهـرج موثـوق=وغلطان من ينكر وانا اخوك غلطان