كسر الخواطر

[نجلاء محمد]

المشاركة الأصلية كتبت بواسطة معيض بن عريفج

كسور العظام تجبر ويجبر التكسير = وجروح الخناجر تلتئم ونتناساها
وكسر الخواطر ماله علاج بالتجبير = وجروح المشاعر دائماً تنزف دماها
لاجت من صديق(ن) مثل جساس مع الزير = وتسلل عليك بخنجر الغدر واركاها
ذي والله اللي تنتج الضغط التفجير = لين المشاعر منك تناثر اشلاها
واليانتهت بالقتل والنسف والتدمير = ماعاد باقي أي امال(ن)ترجاها
بألمها ماينفع لامسكن ولاتخدير = تزود وتجدد كل ماحل طرياها
ومن بعدها ماينفع اللوم والتحذير = اليافاتك اولها خذ الصبر بالتلاها
والله ان قتل الحد ارحم من التعزير = واخير من ناراً بالاقدام تاطاها
يموت النخل شامخ لوانه يجف البير = تحتها الضلال ويامن الطير بحماها
وحياة وممات البؤس والعارللخنزير = والاالنشاما كرم الله ملحاها
وجيه النشاما بيض وكفوف اهلها خير = ولايختلف مع طول الايام مبداها
بعيدين عن ترويج الاكذاب والتزوير = شهودها الافعال والصدق زكاها
وراعي الضميراللي ماينجح به التطهير= اللي يحسد الناس كان الله اعطاها
لسانه هذا زينه وهرجه وقلبه غير = ومرضى القلوب تحير الطب بدواها
وان كان عندك مصلحه عاملوك امير = نفسيتك كل(ن) يبي يكسب رضاها
واليانقطع حبل المصالح يطير الطير = وتصير مثل العين كان انتها ماها
اعرف الممثل والمخرجين والتصوير = لاتحسب اني ناقة الله وسقياها
وارفق مسلسلك المدبلج مع التقرير = واحط النقط فوق الحروف وتهجاها
وكل البشر تعرض على ناكرونكير = وماقدمت نفسك من اعمال تلقاها

الله عليك

الله عليك

الشاعر الجزل

معيض بن عريفج صح السانك ولا هنت

كلمات قويه تصل الى الصميم

لم استطع اختيار اجملها واقواها

صح السانك مره اخرى ولا عدمناك

تقبل اعجاااااابي

نجلاء محمد