كـتـبـتـك والـصـحـيـح أنـي قـريـتـك عـاصـفـه وأعــصـار ؟!!

[منصور الرويلي]

هذا أنا في كل مأبي من عيوب = هذا أول عــيوبي كلام الصراحه
الحق أشوفه بعض الاحيان مقلوب = وأشوف في بعض المشاوير راحه
كم لي أدوّر له عـــذر وأغــفر ذنوب = حتى وصل بالذنب حد الوقاحه
هـــنا عرفت أنه مقـــدر ومكتوب = أصـّــلح اللي ماأستطيع بصلاحه
للحق درب وللخطأ عــدة دروب = مثل الكرم والذنب مثل الشفاحه
والكادح اللي بينهم صار مسبوب = الصدق طبعه والحقيقة سلاحه
أصبح وجودة بينهم غير مرغوب = وأن راح عنهم يفرحون بمراحه
أثري وجودة بينهم مرعب قلوب = مزعل بعض والبعض سبة جراحه
والحرف ذنبه ذنب ومصافحه نوب = مثل الفرح وأحيان مثل النياحه
والشاعر اللي مالقوا فيه عذروب = لو حاولوا مايقدرون أجتياحه
يعزف حروف الوجد بعيون محبوب = ويقطف من ورود المحبه وشاحه
غــنى لهم حرفه هجيني ومسحوب = ويجيد في كل البحور السباحه
ولو القصايد بين غالب ومغلوب = ماتفرد لجزل القصايد مساحه

أنا سألتك ياغلا خاطري رد = أن كان باقي للغلا شي ينعاد
جتك المشاعر بالوفا مالها عد = وجتك الجروح اللي بفرقاك تزداد
أنا النسيم وسيرتك ريحة الند = لاهب عاطر سيرتك طــيـّر أنواد
قدمت لك ريح الخزاما ولا سد = وقدمت لك بوح القـصـايـد ولا فاد
الى متى هالجـرح لاهان يشتد = مثل الفتيله تنتظر قدحة زناد ؟
أموت لعيونك ويذبحني القد = لامن تــثــنى بالغـنج زاد بعـناد
أعيش يومي والجفا يسرج الغد = بين الاماني والتوجّــد والابعاد
والله أحبك وكان تبغينها بجد = يوم المحبة بيننا يــوم لاعاد
عرفت فية الخوف والحزن والسهد = وعرفت فيه اللي يـشـيّـب بالاولاد
وكان أشتياقك جـزر ومصافحي مد = لانتي بلا عـبـلـة ولاني بن شــداد

	على وجه الضمأ شفتك ملامح كلها أصرار = غيوم وبرق والواقع يناقض كل ماقوله كتبتك والصحيح أني قريتك عاصفه وأعصار = مثل معنى مثل فكره على الآهات محموله تعاندني وأكابرها وأصـور حلمها تذكار = ونص الكون مايبلغ مداه وعرضه وطوله أنا من يوم حبيتك وأنا كلي شقا وأمـرار = تمنيتك وسم خالد وكل العشق وفصوله تخيلتك مثل شوفي وأضمك في عيوني نار = وتصورتك مثل عمري ونفسي عنك مسئوله أنا قلبي لخلاّنه هـو اللي بالغلا يختار = ومن يدري عن أسراره حبيبي وأنت مرسوله أبيك وماأبي غيرك ولاقبلك وبعدك صار = حبيبي صـّور الفرقا قصايد روح مقتوله أبيك أول أمل يشعل حنيني لآخر المشوار = أبيك أهون وأبيك أصعب خيال وحرف ماطوله أبيك أنت وأنا مهما يكون الريح والتيار = على عكس الغلا .. نصبح قيود الوضع وحلوله أبيك الشك والغيره وأنا مثلك عليك آغـار = أبيك وماأبيك الاّ تكون الغيم وهـطوله