صباح الخير ياهمي طلال معيض

[طلال معيض]

اشوف الفجر تتبعثر خيوطه والسما يرميه=واشوفه يسرق نجوم عيوني لاهيه فيها
صباحاته مسى جرح وعذاب وغربة بالتيه=صباح الخير ياهمي من اولها لتاليها
باسولف عن ضنا البارح وابروي ماحصلي فيه=لعل الدمع مايسبق كلامي قبل لارويها
انا اللي قصته قصه وانا اللي حظه معنيه=انا اكثر شخص هالدنيا تجرع من بلاويها
انا اللي ضيقتي ضيقه واناللي همه يسليه=انا اللي مالقيت اصدق من الدمعه لراعيها
يقولون العرب صبرك وانا صبري تعبت ارجيه=الين الصبر طولها معاي ورحت انا فيها
يقولون العرب طول الصبر مع صاحبه ينجيه=لقيت ان العرب احيان تخطي في معانيها
واباثبت للعرب اني صبرت وطال صبري ايه=وابثبت للعرب انه طويل الصبر يعميها
بداية قصتي كانت وانا طفل يعض يديه=عشق له طفلة كانت تعده من امانيها
ليامنه زعل محد سواها لازعل يرضيه=وهي لامن بكت جاها مثل مارضته يرضيها
ذخرها حلمه الباكر ولاحد غيرها يعنيه=يفز الطفل من نومه لياحس بخطاويها
اذا غابت عنه لحظه بكاها زي ماتبكيه=وكانت اكبر همومه لياغابت يلاقيها
كثر ماعز هاالطفله يقوم لربه ويدعيه=طلبتك كل ماضاقت بهاالدنيا تسليها
تمنى تكبر الطفله وتكبر في نظر عينيه=خذا عهدا على نفسه يموت ولا يجافيها
ودار الوقت والدنيا لنا تظهر بماتخفيه=ولا احد يعلم الاقدار غير الله بخافيها
هنا القصة بدت تكبر هنا حزن او اسى بوجيه=هنا مات الامل في قلب طفل كان هاويها
بعد ماكبرو الطفلين كل فيه مايكفيه=وكل علته عله ولابه من يداويها
هنا صار الطفل رجال تلقى سبحته بيديه=هنا دلاله على اوجاره هناك النار ضاويها
هنا مات الامل عنده بعد ماشاف مايشقيه=وكانت صدمته صدمه لهيب النار صاليها
بعد ماكانت الطفله ليامنه مشى تتليه=صدفه البارحه صدفه مع الرجال يتليها
وكانت صدمته اكبر بعد ماشافها تعطيه=مرايتها عبايتها وشنطتها بما فيها
هنا الدمعه بدت تذرف ولابه عيب مايبكيه=لانه مالقى اصدق من الدمعه لراعيها
واذا ان العربي قالو اذا طال الصبر ينجيه=هنا اثبت للعرب احيان طول الصبر يعميها
وهذي قصتي كانت عذاب وغربة بالتيه=صبح الخير ياهمي من اولها لتاليها

طلال معيض