ألف ليله وليله

[ناصر الجابر]

ألف ليله وليله في خيالي شرود=شارد ماغفا وأمسا مسا شهرزاد
ياغرام تحدى وطاف كل الحدود=قبل يلبس على الرغبات ثوب الحداد
آه ياللي زهى ويزهاك لبس العقود=حالتي بين صحووبين غفوة سهاد
خيمة الحب قامت فوق راس العمود=تحت ظله تظلل حب منها إستفاد
أبعد الله غلا نا عن عيون الحسود=مايجي بأمرحوثي ولا أحمد نجاد
الهوى حب والعشره غلاها يزود=ود بالروح ما يوجد إبسوق المزاد
أذكرالعزيا خلي ولا ني جحود=كيف أعاني هواك إبلا متاعب وداد
صاحي الذهن بالي ماحصلبه جمود=من يحبك بشريازين ماهوجماد
الغلا في حياتي ياحياتي وجود=إن ثبت صح ولا ماعليه إعتماد
الجمل لورغى ماعاد يرجع قعود=ميريوذيه في دنياه لسع القراد
لا يغرك زمانك بالعشيق المرود=ساعة معك يقضيها ولا له مراد
لأ نتها راح وأقفا يالغضي مايعود=صاحب الوقت ماله بالموده معاد
شوف حب مشالك في نزول وصعود=إتجه من هواه إلنحوكم ياسعاد
شوف قلبي إلنارك صارولعة وقود=شب وأحرق إبنارك مستهيم الفواد
خل صيحات ودي ييقضن الرقود=إنتهى النوم عيني ماتحب الرقاد
أنت من حدني وأمشي طريقي سنود=مامشت سهل رجلي كل دربه سناد
من معاناة روحي مابقابي جهود=مجتهد ميرجهدي يصطدم في جهاد
ياحبيبي لوإني من إعيال اليهود=ماتوخرت عني في نهارالعياد
يوم فرقا إبحياتي مثل صيحة ثمود=أوْمثل ماحصل ياشوق لأقوام عاد
تعبت النفس وأعياهاكثيرالوعود=وعدفي وعد وأيام قديمه تعاد
بأرض حب الغلا نزرع زهورالورود=نسقي الزرع نرجي نفع يوم الحصاد
ردة الفعل منك إمعا ملتنا ببرود=والشقي يرتجي بالصبح نفحة براد
يا سنا البرق يتبعله حنين الرعود=في سحاب تساقا وساق وأسقا البلاد
من هماليل وبل نومزنه يجود=كل ماراح مزن جاه مزن وأجاد
عود موزتثنى لامسه طق نود=له على الساقيه مشرب وركن إستناد
كل ماشفت أنا اللبه وغرالنهود=جيت منحازيمك ماإلتزمت الحياد
لي على عشرتك والحب جملة شهود=لوجحدت المظنه ماجحدت الوكاد
إبتسامة رضا تشهد وحتى الصدود=والسوالف إشهودي في بياض وسواد
يشهد الوقت والأيام وأيضا العهود=ويشهدن الليالي بين سهل وجلاد
من رضا بيع حبه في كثيرالنقود=يوم عن يوم يلقا في هواه إنتقاد
ياشريك الحياه إليا وردنا العدود=إن وردنا الموارد محتسين العتاد
بألف ليله وليله بالخيال الشرود=لوشرد ماغفا وأمسا مسا شهرزاد