كل حكم (ن) في يدين الخلق تظهر به عيوب
وحكم ربي عادل(ن) لو كان من سابع سما
النوايا مطايا ول ياراع الذنوب
والله أني ماحسبت حساب ياوقت الضما
كل ماقلت أنتهينا يرجع الوقت بشحوب
مدري من شين الأوادم ولا حضي أرتما
المسافر له دعاء(ن) مستجاب(ن) بالدروب
وأدعي الله يستجيب دعاء قلب(ن) مسلما
يظهر النور بزمان(ن) صادق فيه الكذوب
ويتبدد حكم جاير ماحكم به عالما
ويش ذنب(ن) أرتكبته منه ما أقوى أتوب
ويش حيلة عود شايب في وليده أحتما
هيه ياعين تعبها ماهو من فرقى محبوب
صابره غصب(ن) عليها صابره صبر العما
الله يعجل فرجكي قبل لحضات الغروب
ويتجلى الظلم عنكي قبل ليلك يعتما
اخوكم
نـادرالعنـزي
دكتــور المشاعــر
13/05/10, (11:49 AM)
)) النــوايــا ((
العرض الشجري