الملهوف؟؟؟ - °~*¤®§(§ شبـــكة ويــلان العـربـيـه §)§®¤*~ˆ°

**عبدالله المعزي** · 21/05/10, (02:58 AM)

السلام عليكم ورحمة الله وركاته

لكم بعد طول غيبه اتمنى ان تحوز رضاكم

لاتنشد المشتاق وشلون ملهوف = ماتدري انك مثل وبل الغمامه
يبرد من البارد على ضامي الجوف = واطهر من اللي ماتعدا فطامه
قابلتني في خوف واجيك في خوف = ومنك اتلذذ بالعتب والملامه
تحدني عنك متاهااااات وظروف = واسوق لك عذر يتبعثركلامه
واذا قبلت العذر من فرحتي شوف = حالي يتبدل من عدم للسلامه
واذا زعلت ازعل من الناس واعوف = والشعر فيني موج زاد احتدامه
ارسمك ببياتي مقامات وحروف = وخيل المشاعر في يديني خطامه
ادرجك بين اخضر العشب وتشوف = ورداً تاعنق بالشذى مع خزامه
اقبل على من حب من قلب ملهوف =اهلاً هلابك ياظبي العدامه
مكلوف لك بالود لاتصد مكلوف = ومالي على صدك جبور وعزامه
الوجد يذبح دون شلفات وسيوف = يموت راع الحب ملحق مرامه
اسمع كلام العشق منظوم بصفوف = صفة عقوداً زينت بالمنامه
يزدان به عنقاً تخبى عن الشوف = وجيداً غضابه راسماً به علامه
ولاتنشد المشتاق وشلون ملهوف = ماتدري انك سبته ياغرامه ماتدري انك سبته ياغرامه

تحياتي