ترى المحبة لها قانون ياجاهل بقانونها

[سلامة الجعفري]

السلام عليكم
وانا جالس اسوي بحث في صحيفة الجزيرة لقيت لي هالقصيدة وكنت ناسيها
واتمنى تعجبكم

يا نادر الزين شف وش صار فيني من سبايب غلاك =الطف بحال الجريح اللي حياته كثرت غبونها

راحت حياتي وانا دايم ما غير اتبعك وأركض وراك =حتى غدى القلب مثل الجمره اللي فوق غليونها

مدري تغلى بوصلك خايف اني يوم افكر جفاك =ولا انت رجلك على درب المحبه تمشي بهونها

اخذت قلبي من اول ساعة فيها حصل لي لقاك =الساعة اللي بها كل المشاعر باح مكنونها

واليوم مدري علامك صرت كني واحدٍ من عداك =لو كان ما قلتها ليّه عباد الله يقولونها

ياقو صبري على جورك وفعلك وانت مقوى عياك =قلبك كما صخرةٍ تنطح بها الوعلان بقرونها

تراي يا صاحبي وافي وهمي بس احصل وفاك =حتى يكون التساوي بين داينها ومديونها

لكن ما عاد ترضيني وانا ياكم سعيت لرضاك =ترى المحبه لها قانون يا جاهل بقانونها

على سلوم العرب لا مني اعطيتك يجيني عطاك =والا الامانة مثل ما قيل رجعها لمامونها

تبقى بدنياك مستانس وانا مالي بجرة شقاك =ليلى توفت وانا يا صاحبي ماني بمجنونها

وهذا الرابط:

http://search.al-jazirah.com.sa/2009jaz/jan/1/tr6.htm