تشرفت بإسناد شعري من الاخ العزيز وباحث عنزة القادم الاستاذ بندر بن نغيمش البجيدي والموجود على هذا الرابط :
وهنا اتشرف بالرد شعرا على اخي بندر مع تغيير طفيف في القافية واتمنى ان تصل الى مستوى ذائقة الجميع هنا ..
ياحي والله واكرم براع الذلول=بالطيب اللي كل طيب حاصره
نسل الكرام الشم ذربين الفعول=الطيبين اهل العقول الباصره
جده وابوه من الطحاطيح الزحول=بجايدة وانعم بها من آصرة
قريت ما بين القوافي في ذهول=وجتني هواجيس الفواد محاصرة
الناس يا بندر بلش فيها الرسول=حتى اهل مكة مابهم من ناصره
لكن ولو تقصر سواليف وتطول=الطايلة ماهي سواة القاصرة
بالعقل والحكمة نميز كل قول=وكم واحد بالعلم فكره عاصره
ولااحد على فكر البشر ركب قفول=والناس معها عقول ماهي قاصرة
وطعم الحقايق مر ماهو بمعسول=والهرج شوك الكبد طعن الخاصرة
والناس تربطها العوايد والاصول=وبغداد تسهرها جروح الناصرة
واللي يحسب العرض قبل يشوف طول=قل له تريح غاد والعب باصرة
بريال خذ لك خبز وريالين فول=واترك قديم العلم هو ومعاصره
جنب دروب ما تبي شخص ملول=مادام غصنك كل واحد هاصره
والرجل يبقى زول والا شبه زول=دامك لا خاويته ولا انت مقاصره
وان جا على العاقل كلام من مهبول=احسن بدال الرد يبقى خاصره
وان خضت غبات البحر فابشر بـ(لــول)=بس انت خل القاصرة للقاصرة
وسلامة الجميع
16/07/10, (08:12 PM)
صدى لصوت الاخ بندر البجيدي ..( يا حي و الله )
العرض الشجري