جـرح المفـارق
تدري وش اللي يجرح الـروح يازين = لصـرت أشوفك مـثل ظـلي ولا جيك
ذبحي وموتي بعـدكــم قــــدر يومين = متى تجي قــــدام عينــي واحيـيك
قلي تــرى قلبــي غــدا فيـــه جرحين = ليتك تجي تمسح جروحـــــه بياديك
من غيبتك قاسيــت والبعـــــد يضنين = مهما تغيب اليـوم ما غـــاب طاريك
رحــت او تركتن حايـــر بيــن همين = ياكيـــف تتركني وانــا ميــــــت فيك
اسقيتني جــــرح المفـــــارق بكاسين = ودليت ادور بيــــن هـــــذي وهاذيك
اقفت بـــك الأيـام ولاقلـــت لـي شين = خليتنــــي مابيــــــن بايــــع وشاريك
في بعــدكم غربــــه ورحلـــة تنادين = وحــظ عثـــر من بعــد ماهو يناديك
اموت من صدك او بالوصـل تحيين = ياملك قلبـــي فـــي اطــــراف اياديك
لك صــورة مرسومـة داخـــل العين = ومنين مالـــديت اشوفـــــك وراعيك
اوله على شوفــك وبالقــــرب تشفين = وأشفـــق على مبسم تضمـــه اشافيك
لا ياربيع العمـــر من ويــــن لا وين = ياروضة ضمـــت خفـــــوق يباريك
تـــدري وش اللي يقهـــرا دوم يازين = لصرت من حولي وانا مقـــــدر اجيك
05/08/10, (07:49 PM)
جـرح المفـارق
العرض الشجري