"ما تنفع الطيبه"

[بنت الكحيلا]

الحظ لا من مال صعب(ن) يستقيم=والمشكله لا ما عرفنا حلولها
ياالله يا محيي بقدرتك الهشيم=تفرج هموم ساري(ن) مفعولها
بركانها يغلي مثل غلي الحميم=والنفس ما عادت تشيل حمولها
استبشر بشوف المطر لا شفت غيم=ولا مطرت غرقت انا بسيولها
ما تنفع الطيبه ولا القلب السليم=بعامل العالم بقدر....... عقولها
والبلبله ما حركت عقل(ن) حكيم=ما دام واثق كلمته......... بيقولها
جربت في واقع حياتي كل ضيم=عشت الهموم بعرضها وبطولها
وبصبر على جرح الزمن والله كريم=ومن هو تصبر حاجته بيطولها