اهديكم هذه المتواضعه والتي تعبر عن نفسها عسى تنال اعجابكم
خلقت بالدنيا معززومحشوم=من فضل ربي ماارتضي بالمهانه
ادمح خطا الصاحب ولااتبعه لوم=وان كرر الغلطه قطعت الميانه
اصبر على فرقاه لو كان زيزوم=واحفظ اسراره مثل حفظ الامانه
وانا عن سلوم الاهل مالي سلوم=من بيت عز له كيان ومكانه
من راس قوم روس لاعدوا القوم= يوم ان كل يفتخر في زمانه
ويلان والويلان ماعزها اليوم=موجود بالماضي وتملك حصانه
منزالنا يرقا سما ياصل انجوم=مع الزمن يزداد عز ومتانه
فعل الشجاعه طبع فينا على الدوم=وعدونا نسقيه طعم الاهانه
ليادخلنا السوق نشري ولانسوم=للطيب مانسال بكثرة ظمانه
يشوش واحدنامن الطيب ويشوم=من خلقته مايقترب للطمانه
يشوش راسه كل ماقيل شغموم=يوم ان مدح العفن زاده عفانه
وباقي القبايل وسطها الطيب مقسوم=ورجل تعزوى بلابته حي شانه
وانا على ماقلت حاظر وملزوم=وقال المثل كل السانه احصانه
06/08/10, (04:05 PM)
ويلان والويلان ماعزها اليوم
العرض الشجري