قصيدة إلى الشيخ سطام بن محمد بن سلطان الطيار حفظه الله

[عبدالله الطلوحي]

بسم الله الرحمن الرحيم

هذه القصيده هي إهداء إلى الشيخ/ سطام بن محمد بن سلطان الطيار حفظه الله

وأستفزعه فيها ..وهي لاتعد إلا محاولة شعرية بسيطة ورغبة مني في مدح هذا الرجل الوائلي العظيم ولاهي غريبة عليه الحمية حيث انه ابن الشيخ /محمد بن سلطان الطيار شيخ قبيلة ولد علي
وجده الشيخ المجاهد/ سلطان بن سطام رحمه الله رحمة واسعة حيث أقول :

أستغفر الله يوم تجفيف الاقلام=ورفع الورق و الحشر والاحتكامي
انا الأسير اللي من الغبن ماقام=اسير وقتي والليالي عسامي
الدرب واضح لكن الرجل تعدام=ولا أقدر اوصل ماشوفة امامي
نخيت من هو بالمراجل تلزام=شيخن على الطولات دايم دوامي
سلام ياشيخ عنزه رمز الاعلام=انتم ذرانا يوم كسر العظامي
لاثارت الهية ووقفن الاقدام=ناقف على حمي الوطى بالتمامي
عزوة هل الملحا معزز ومقدام=في مدحكم عاطش ولاني بضامي
ابشكي لك الموضوع ياشيخ سطام=وانته تعرف ولا علي الكلامي
تكفى يابن محمد ترى الحظ ماقام=حظي عثر وحظوظ غيري توامي
تمت وصلوا عد ماحايمً حام=على النبي اعداد سرب الحمامي