ليلة فرح ماجد

[تركي صالح]

هذه القصيده مشاركتي في زواج


الاخ العزيز الشاعر / ماجد الجعفري


مع انني اعتبرها قليله في حقه


ابو غانم لك معزه خاصه استحققتها بطيب اخلاقك وحسن تعاملك


اتمنى لك التوفيق والسداد في حياتك


فأنت تستحق كل خير

حان الشعر واليوم ذا مطلوبه =ولكل شاعر بالشعر اسلوبه
والشعر حان بوقته وميعاده =ميعاد فرحة ليلة" محسوبه
ليلة فرح ليلة هناء تجمعنا =ليله بها اشواق السعد مسكوبه
ليله ولا هي ليلة وتعدي = ليله لها وسط القلوب اعذوبه
ليلة فرح ماجد وفعله ماجد=اسم" على مسماه يزهى ثوبه
نعم الخوي نعم الصديق الوافي=مواقفه جزله وعلمه صوبه
ما يمشي الا بالمعزه دايم =ومع الرجال الطيب هو مشروبه
ربى في بيت عزا" غانم = وابوه غانم والنعم منسوبه
كريم طيب والكرم له عاده =واخلاقه الجمه طبع مرتوبه
يستاهل اللي في قصيدي قلته = ومن حاز علم" يذكر بموجوبه
ماجيت اشارك في قصيدا" فايت = حبيت اجدد بالشعر واسلوبه
قصيدة" من نبع فكري تسمو = بصدق احاسيس الشعر مكتوبه
ما كنها الا بنت شيخ" طيب = من ساس عزا" بالكرم مجذوبه
اسقيتها جزل الكلام الصادق= حتى أرتوت بابياتها المهيوبه
واعطتني اللي طالبه وأريده =ابيات شعرا" بالشعر مصبوبه
هذا مناي ورغبتي من شعري = ولا خير في شعرا" تزيد ذنوبه
ومن قبل ما انهي هالقصيده باقي = بيتين زبدة هرجي وموجوبه
الاوله يالله ترزق ماجد = حياة خير وبالهناء مصحوبه
والثانيه يالله تسعد ماجد = وتوفقه وتنوله مطلوبه

وسلالالالالالالالالالالالالامتكم