إحساسي ..

[أبو غرام]

السلام عليكم ورحمة الله وبركاته ...

حدث أن دخلت في موضوع بالألعاب وإسمه
عبر عن إحساسك قبل شويتين

فكتبت بيتين .. فا وأنا طالع من هناك وتطن براسي
أكملها في موضوعي اللي بقسم انت وحدك
وفعلا يوم كملت إلا متغيره
ولهذا أحببت ان أطرحها ها هنا

علها ترتقي لاذواقكم .. وغايتها

التواصل مع قلوبكم الطاهره

كان جوابي على السؤال حول إحساسي:

إحساسي إني فاقدٍ شخصٍ أغليه=وإحساسه إني دالهنٍ في حياتي
لا والذي سواه ماني بناسيه=لكن على ماقيل كاتم بذاتي
صابر على فرقاه والعين ترجيه=والصمت بصمة موقفي ليا وفاتي
يحرم علي اتبع خطاوي هقاويه=عمر النخل ما مال عند المماتي
أقولها والقلب لا شك يغليه=يكفيه قولة هاجسي : يا غناتي
الله يسامح خافقه في تجنيه=ظنه اعيش العمر مسلى واحاتي
مايدري ان الحب غدرى مواريه=وجهه .. هَنا .. وإقفايته .. بالشتاتي
منهو خنع له .. طاح .. قبّل مواطيه=وامست حياته مثل بعض الخواتي
ومنهو شمخ .. ما طاع .. نوّخ مماشيه=يبقى جبل لو كان جوفه رفاتي
هذي الحقيقه ماتبي صوت توحيه=كتبتها والفكر عارف ُمناتي
ردٍ على اللي ظن جاشي عثى فيه=واني اعيش العمر وأجمل حياتي
إحساسي إني فاقدٍ شخصٍ أغليه= يعني كئيب وحالتي بنحتاتي

وسلامتكم