نص موجه للراقي / مطلق النومسي بعد انقطاعي عن النت بشكل عام لفتره طويله ..
و تمنيت أن يصافحكم هذا النص ..
.
.
اغيب و ارجع و ارجع اغيب و اعود = و احاول اترك غيبتي و انكساري
ماهو بكيفي يا اهل العرف و الجود = هم الحياه يحدني للمساري
و الا غلاكم داخل القلب موجود = لو غبت يبقى بالشرايين جاري
يا زاكي العرقين يا نسل الفهود = يا مذهل ٍ بكتابتك كل قاري
يا درع يا محزم و يا قدح بارود = ليا جاء لزومك جيت شخص انتحاري
و المدح لا هل المدح ما فيه منقود = و انا افتخر بك و اتشرف و اماري
لو سقت كلمات الثناء سوقت الذود = مقصر بحقك و اسوق اعتذاري
و اليوم جيت و للسماء برق ورعود = بعد الجفاف اللي طغى بالصحاري
اما يجي غيث ٍ يسر بعد مجهود = و استانس بشوف الوطا و الخباري
و الا بلاش من العنا و هبة النود= ليا صار شعري ماله ايات طاري
يا بو فهد من عام و الدرب مسدود = وانا على صلفات الايام ضاري
اصبر و اقول الحبل لو كان معقود = ينحل لو حله بعيد المحاري
و المشكله من لي زمن عشت ملهود = مدري قهر و الا مزاجي تجاري
تصنعني ظروفي مع ايامي السود = و اجر صوتي بالبلد و البراري
اغيب واحزن و ارجع اغيب و اعود= واشيل همي و الوجع و انهياري
16/10/10, (03:35 PM)
اغيب و ارجع و ارجع اغيب و آعود ..
العرض الشجري