قصيدة موجهه الى راعي المعروف الشيخ محمد بن غالب بن غصيبه الايداء

[خالدالمشيطي]

قصيده موجهه الى .. محمد بن غالب بن غصيبه الايداء


من الشاعر .. ذياب بن محمد الحربي

لحقني المعروف من راعي الصيت

اللـي مراسيـم الجمالـه حملهـا

لاوهني من وفقـه والـي البيـت

ورد الجميلـه بالجميلـه لهلـهـا

يامحمد الايداءمعي قمت ووفيـت

وخصائل الوافيـن مثلـك شملهـا

يابن الرجال الطيبيـن الزناتيـت

لانوخت شهـب الليالـي جملهـا

بطيب المبادى يامحمـد تقصيـت

والطيبه من حـظ رجـل فعلهـا

مافيه يومـا بالمهمـات صديـت

تثقل على غيـرك ومثلـك نقلهـا

جيتك بـلازم يامحمـد وفزيـت

بالعـرف لازلـت تـعـدل زللها

بالاولـه والثانـيـه ماتـرديـت

والثالثـه كبـرت وهــون جللها

يافزعت اللي راح فكره تشاتيـت

ياموصل اللي حاجتـه ماوصلهـا

جدك الايداء كان بالفعـل عديـت

شيخن منازيـل الزعامـه نزلهـا

لطوحت بيض العذار الزغاريـت

كم غارة بالسيـف شتـت احللها

وانته بمنزل سالف الذكر حليـت

أفعول جـده عزهـا مـا خذلهـا

في درب من فاتك مشيت وتحليت

احيـاء افعـول فاتـه ماقتلـهـا

على الرجولـه والحميـه تربيـت

حوا الفعول الطيبـه مـا جهلهـا

ماخاب من بسمه سميت وتسميـت

تلقي السيوف الطيبه عنـد اهلهـا

بعصى اجدودك يا محمد تعصيـت

وقيل الجمـال احمولهـا تحتملهـا

هذا وتسلم كل ما اصبحت ومسيت

عد المـزون اللـي تطلـق هللها

وصلو على اللى ثبت الدين تثبيت

صفوف قريش اللي اجهوده بذلهـا