مرثيه غصاب الرشدان

[مشهور الرشدان]

بسم الله الرحمن الرحيم السلام عليكم ورحمة الله وبركاته هذه القصيده كتبتها في المغفور له بـ اذن الله ابن عمي غصاب اللهم اغفر له وارحمه واسكنه فسيح جنانك يارب العالمين الحزن له وسط الحشا صار مجلاس والعين هلت فوق خدي عبرهـا والحال من ماصابه اليوم منحاس والروح مرهقها تعبها وسهرهـا من يوم ما راج الخبر واحتمى الياس روحي مابين الناس زايد خطرهـا سمعت صوت الموت تقرع له اجرس عرفـت بان الدار تنعـي فخرهـا وقالو توفـى من له الطيب نوماس هذا ترى حكم اللـيال وقدرهـا واصبحت بين الناس ماواطن الناس دنياي من عقبـه تزايـد كـدرهـا امسي على هوجاس واصبح بهوجاس كل الخواطر في ضميري كسرها مانساك ياغصاب ماعاش لي راس بذكرك دام الدار ربي عمرهـا مكتوب لك هذا القدر وسط قرطاس اقدار ربي في كتابه حصرهـا رحلت عن دنياي وستوطن الباس في داخلي والدار غايب قمرها لك دعوه مني ومن صدق الاحساس يـرحـمـك ربي وذنوب يغفـرها في جنه الفردوس مع صفوه الناس اللي شملها العفو ربي سترها الموت كاس وكلنا نشرب الكاس يارب فالجنه وصافي ثمـرهـا مشهور الرشدان