الـشـعـر الـمـمـيـش

[عبدالله عايد]

السلام عليكم
اعزائي قراء واعضاء شبكة ويلان
يسرني ان اكون متواجدا بينكم بهذه القصيدة المتواضعة
مع تمنياتي ان تعجبكم

تسأليني عن غلاتك وانتي ادرى في غلاك = واتعجب لا سألتي وانتي سيد العارفين
تعرفين اني اعشقك" واعشق" ارضك مع سماك = واعشق" ترابك وهمسك واعشقك "لوتزعلين
واعشق" الليل بعيونك واعشق" البسمة بشفاك = واعشق" الصبح بجبينك واحمرار الوجنتين
واعشق" الشعر المميش لا ارتديته وارتداك = واعشق" السكر بفمك لا ظهر لي تضحكين
واعشق" حجاجك مقوس لا اختلاط ولا اشتباك = واعشق" الصدر الصغير اللي يشابة وردتين
واعشقك" لامن زعلتي ثم" قلتي وش بلاك = ثم" زعلت انا وسكتي ثم" قلتي تمزحين
ثم" نسيت اني زعلت ودار فكري في رجاك = ثم" طرالي ما طرالي ثم" خفت من السنين
ثم" ذكرت الله ورسوله ثم" دعيت ابقى معاك = ثم" تأملتك بعيني ثم" نسيت اني حزين
صرت اعشقك ما اميز هو" وصالك هو"جفاك = هو" عذابك هو" حنانك هو" دلع ولا حنين
هو" تجرد من زماني هو" تمايل وارتباك = هو" ثباتي بالمواقف مثل طبع الاولين
هو" نصيبي لي يجيبك هو" مكاني في حشاك = هو" كتبلي امتلاكك من يسارك لليمين
ولو ظلمتي فيك راضي ليه راضي ؟! من غلاك = من غلاتك لا ظلمتي قلت لا ما تظلمين
من علاتك صرت اتابع وين ما داست خطاك = امشي مشيك لا مشيتي واركض لوك تركضين
يعني دايم فيك حولك بس ادور عن رضاك = لو طلبتيني عيوني قلت لك تستاهلين
ما طلبتي شي مني دامني كلي فداك = قلبي وعيني وعمري فدوتك لو تطلبين
روحي ودمي وشوفي لك عليهم امتلاك = كلهم فدوة بنانك لاطرالك تامرين
كل ما املك تملكينه جاك مني جاك جاك = وانا حظي لا عطيتك شي مني تقبلين
وارحميني من عذابي وارحمي قلب هواك = لنك انتي لو ظلمتي قلت لا ماتظلمين