يالغلا مهنا غلا لغيرك تركته = لك حقوق الحب محفوظه لحالك
وانت قلبي بيتك ان جيت وسكنته = من يردك يامنايه عن حلالك
وقعو هيئة كبار الحب كرته =ومعك صك ان المحاني كلها لك
وطلمانك ياهوى البال امتلكته = اسرح امرح فيه لين يطيب فالك
كان قلبي طيرخفاق ومسكته = والغلاكسرجناحه لين جالك
وقام يقنعني بحبك لين طعته = واعتبرني من يمينك في شمالك
وكأنك بلطفك وبحسانك غمرته = وسقت فنجال المحبه من دلالك
ومدلك ميثاق الاخلاص وقبلته = ابشر انه مايبي حيءٍ بدالك
لك مصخر كل طاقاته ووقته = وغيمة سحب الغلا وجوه صفالك
لك غلا باقلب لو اني شرحته = شيء مايوصف ولايطري فـ بالك
وكان به حب قبل حبك مسحته = وكل غصن(ن)وردته حمراء انثنالك
اثري اللي يغليك لو انك ذبحته = مايشوف الا انت بالعالم لحالك
27/01/11, (11:22 AM)
يالغلا مهنا غلا لغيرك تركته
العرض الشجري