"يحذف حجر"

[بنت الكحيلا]

يمكن مريض النفس تلقى له علاج=لكن مريض القلب وش هو علاجه
غير الحسد والحقد ما عنده انتاج=يحذف حجر وبواب بيته زجاجه
وليا نصحته قال ماني بمحتاج=والظاهر ان العقل فيه ارتجاجه
وإذا بلاك الله بإانسان منعاج=اصبر لعل الله يعدل انعواجه
واكتم همومك لا تسبب لك إحراج=شكواك للمخلوق ذل وسذاجه
والياصبرت تشوف من ربك افراج=ومافيه هم إلا بيده انفراجه
نصبر ودين الرب هو خير منهاج=وبه ناس واجد عايشين بهماجه
ياالله تفرج هاجسٍ بالحشى لاج=ومالى سوى رجواك يارب حاجه