هذه القصيده لها مناسبه خاصه مع الشاعره الممرضه /جميله بطاح الرويلي
عندما كانت والدتي منومه في احد المستشفيات وقامت بخدمه انسانيه اتجاهي
واتجاه والدتي وشكرتها بهذه القصيده:
الفضل للمعبود ليه قبيله=كل العلوم الطيبه تكتسبها
وحتى نساهم يكسبن النفيله=والنار قوة جمرها من حطبها
رحت لمريض وقابلتني جميله=بنت الرجال الي عريبً نسبها
بها الشرف بها اوصوف نبيله=والطيب فيها والردى ماقربها
وفيها اوصوف من وصوف الكحيله=شقراء نواصيها تنومس عربها
مهرة رجالٍ يحتمون الدبيله=كم قالةً باالكون حلونشبها
ربعي هل العلياايديهم طويله=قبيلةً كلٍ ايداري غضيبها
اولاد وايل مزبنين الدخيله=من عقب خوف وذل لين عصبها
ان قلت مهره هي مهره اصيله=والله بطيب الذات خصه وهبها
وانقلت حربه هى حربه صقيله=مسنونةٌ بيدين باتع سحبها
من دون حقه يوم زاود قبيله=قال انت تخسى لحيتك مع شنبها
حقي بعيداً وأخذته مستحيله=ماتاخذه لو دمها الى ركبها
واظهار طيب الغير نعمه فضيله=ونفسي مع الطيب كثيراًعجبها
واختامها مشكورةٌ ياجميله=تحية من شاعرٍ لك كتبها
13/02/06, (01:07 AM)
اهداء الى الشاعره /جميله بطاح الرويلي
العرض الشجري