اقتباس:
المشاركة الأصلية كتبت بواسطة ماجد الجعفري 
اولاً /كل عام وانتم بخير..واسأل الله أن يتقبل من الجميع صالح الاعمال..
ثانياً /كل الشكر للأخت احساس على هذا الموضوع الجميل والطرح الراقي ..
ثالثاً/صح لسان شاعرنا سعد النفج
فعلا للتميز نمطه وشعاره وهذا ما يجسده اي نص لشاعرنا المميز سعد لله دره.
.................
س/ موقف طريف مر بك لازال عالق بالذاكرة وهل هناك ابيات..؟
اكرر شكري للجميع
ودامتم بكل خير
و انت بخير و صحه و سلامه يا بو ساره ..
و صح بدنك و شهادتك اعتز بها يا بعد راسي ..
و بالنسبه لأطرف المواقف .. و انا ما أدري وش خلاك تسأل هالسؤال 
.. ما تجي إلا تحرجني يا بو ساره هههه ..
هو موقف تقريبا عام 1426 هـ .. و كان من أسوأ الأيام اللي مرت علي .. و السالفه طويله بس بحاول اختصر ..
.
بـ أيام الكليه و كنت قاعد لحالي بالكافيتريا .. و جلس معي فجأة واحد من زملائي و معه ولد عمه .. و استحيت آكل قدامهم .. المهم باشرت لهم على حسابي .. و جلست و أول ما فكيت ( الساندويشه ) لمست كوب الحليب و انكبّ على ثوبي و انحرجت وطلعت برّا .. تحت الشمس .. على شان يجفّ الحليب.. طبعا الشمس حاااره .. و عارفين اذا جفّ كيف راح يكون شكله .. و استأذنت من الدكتور قبل محاضرته.. و رجعت للبيت و كان عندي اختبار ماده بعد ساعه .. و لازم أحضر بدري و طبعاً مالقيت ثوب أبيض و حنا بأول الصيف .. و لقيت ثوبي الأسود و كشخت فيه .. و أنا الوحيد بالكليه اللي لابس كذا ..
طبعاً القصه هذي باختصار شدييييييد و فيه أحداث كثيررره بنفس الموقف .. و منها اني رجعت للبيت من الكليه .. أمشي تقريباً 160 و استلمتني نقطة تفتيش و قعدت عندهم أكثر من نص ساعه و أخذت المخالفه و جيت البيت و لقيت الثوب المنحوس و رجعت ..
هذا الموقف اللي مستحيل أنساه برغم كثرت المواقف لكن الموقف هذا مرررررره محرج و فيه طرافه ..
03/08/11, (06:22 AM)
رد: (الحلقة الاولى)(من قائل الابيات)؟؟؟
العرض الشجري