بوح المشاعر!..حديث الذات!

[فــرج الدهمشي]

المشاركة الأصلية كتبت بواسطة فرج الدهمشي

ياعايب اهل الطيب عالج معـايبك=ذنبك تـعـدى المبتلى فـي ذنوبه
لاشفت طيب الناس ثارت لهايبك=على الـذي دربـك قـصـر عـن دروبه
لا مانـعٍ عـن عــرض غـيــرك كتايبك=ولا سـرت مثله مع هل الطيب نوبه
هذي ركاب القوم فاقت ركـايبك=وثوبك قـصـيـرٍ عـن تفاصيل ثوبه
دام الجـرب يجدع طوارف حلايبك=عالج بحالك لين تبرى جنوبه
وعـز الـلـه أنــه ماربح راس شايبك=دامك من اللي بالقوافي حروبه
اترك مصايبنا وعالج مصايـبك=وأكرب خـبوبك قـبل تكرب خبوبه
رح للمحاكم لاجـل تـنهي طلايـبك=وألا علاجك عارفيـنٍ حبوبه
ياعايب أهل الطيب عالج معـايبك=ذنبك تعدى المبتلى في ذنوبه
لا رافعٍ صيتك ولا صيت شايبك=وراع الجرب يقعد يهارش جنوبه

مجاراة تشرفت بها من الشاعر القدير عبد اللطيف العوني

المشاركة الأصلية كتبت بواسطة عبداللطيف العوفي

يالدهمشي بالطيب هبت هبايبك=والناس طيبك كلهم سولفوا به
إترك ردي الذات واغنم باطايبك=كلٍ فعوله بالنهايه تنوبه
أنت ابلجٍ بالخير تمطر سحايبك=صيتك بروق العز تضوي نصوبه
شاعر وعز للابتك ولقرايبك=يوم الردي بالعيب مالي جيوبه
اسلم ودم بالطيب تذري هبايبك=واللاش بالشينات تذري هبوبه

دم بعز وتقبل إجلالي

مجاراة تشرفت بها من القدير أحمد الهريش

المشاركة الأصلية كتبت بواسطة أحمد هريش

بسم الله الرحمن الرحيم
السلام عليكم ورحمة الله وبركاته

أرحب بكم جميعا وأهديكم هذه القصيد ياجايب اهل الريب
والتي هي عبارة عن محاكاة لقصيد ياعايب اهل الطيب

للشاعر القدير : فرج الدهمشي ..

* بداية أستأذنه في أن أرتقي لمحاكاة قصيدته ..
* ثم أني لست بشاعر ..
إنما أنتقي من الحروف ومن القوافي ما أعبر به عن بعض ما يجول في خلدي : )



( يا جايب اهل الريب )
أبو ريناد

ياجايب اهل الريب هذي دوايبك=تجيبهم من دون أيّت صعوبه
تعصف ولا ترحم أحد من زلايبك=صرصر على منهو تجلّى عيوبه
وجّه سهام الويل ورّي عجايبك=سهمٍ عرف مسلك طريقه وصوبه
وسلّ سيفٍ صانعه من لهايبك=سيفٍ تسلط فوق نفسٍ لعوبه
أعلنت انا الإعجاب كله سبايبك=يادهمشي ياراعيَ اصل العروبه
شِعرك حكى أصلك ومعدن ترايبك=تزرع حروفك في أراضي الخصوبه
إن غبت يبقى بيننا الحرف نايبك=الشاهد اللي في المعارك خطوبه
والسِلم فيه الشعر ينثر أطايبك=أنشودةٍ تعزف لحونٍ طروبه
غيثِ علينا هاطلٍ من سحايبك=شلال مايٍ ينهمل في عذوبه
تنشر نسيم الحب فينا هبايبك=نسيم ترجم للمعاني هبوبه