الـــــــــــــــــشــيم قـــــــــــدر الــــــــــــــــشيــم

[ناجي الخمشي]

بسم الله الرحمن الرحيم

السلام عليكم ورحمة الله وبركاته

اتمنا ان ترتقي لذائقتكم

يامشاعر هاتي القاف والمطلع سنـود=يوم صعب المفـردة خاطـري غنابهـا
جاوب أطراف النوادر صوادرها الورود=اعتلت مـن سـاق فنجالهـا شرابهـا
خيلت سحب القوافي وبارتها الرعـود=أخضرت بيض الفيافي وروس اشعابها
النسيم يسوقها والنفـل ريحـه ينـود=السماك من الثرى غـارس بهضابهـا
القراح يداعبه ومن ولى الجزلة يـزود=سلسبيل عذب جمه صريـح إعذابهـا
مارجيته بين حزب النصارى واليهـود=محتزم بالسيـف والمعركـة ماهابهـا
ماحنيت الراس لأجل المنافق والحسود=كود للي يملك ا لروح يـوم حسابهـا
ماعلي من اللفايق قصيريـن الزنـود=الغصـون اليابسـة ماحـدٍ ذرابـهـا
يضحكون أوجيه بيضٍ خفي أقلوب سود=خايبه والخايبـه حـظ مـن يسعابهـا
لو هو بكيف الثعالب مشت جنب الأسود=والحداياعشـت الحـر مـن مخلابهـا
بالرخا ياكثر من قال بالشـدة صمـود=وباللوازم شبت النـار جـوف أثيابهـا
من لا جاب الطيبة في يمينه لا يـذود=يرسم الحسره على كف مـن يشقابهـا
خلف تيار العواصف ومالـه بالوجـود=يترك الزلة عـن النـاس لا يسعابهـا
القرادة تقتبس نارها مـن رأس عـود=والسعادة كـل حـيٍ يبـي يرضابهـا
والردي ماحاش بكرة ولا حصل قعـود=وإن لقى خيل العرب قال أنـا ركابهـا
والأصابع تختلف من عصر عاد وثمود=والشيم قدر الشيـم والحكيـم أدرابهـا