ســــــــــاحل العــــــــــــــــــــاج

[خلف سماح]

لي هاجــــسٍ مع عذب الامثال ينساج
وألبــــس المعنى مــــن خيـــــــار تاجه


ماهـــوبيا هــــــــــرج لي بعد منهاج
معناي مـــــع مغــــزاي تــــــم اندماجه


اخـــــذت لــــي نقروح من جم هداج
ياللي تمـــــيز صافيـــــه مـــــن هماجه


حطيت للموضـــــوع مدخل ومخراج
وكلـــن علي ماقيـــــــل يعــــرف خراجه


ابعد مراميـــــها عــن ضنون هراج
عـــن واحـــدن وقتــــه يقلــــــب مزاجه


اي والله ادري فيك ياســـاحل العــاج
لــوكـــــان مالــي فــي شـــواطيك حاجه


لوكان جوك جــــوا ومواجك امواج
مـــــــار البـــــلا تهــــتز بــــول عجاجه


ياكثر مامــــــر المسامع من ازعاج
وياكـــــثر مــــن عقـــد بــوجهي احجاجه


ان جتك عوجاء صاحبٍ مالها علاج
ابــعد عنـــــه كنـــــــــــه تعــــــذر علاجه


ولـــو ابي امشيها على درب منعاج
يفـــرح بها اللــــي ينــــــــوصف بسذاجه


خيذت ضحى ويامهــا كلـــها حراج
عالجتـــــها بالصــــــــمت وقــــت المواجه


ارجع وفتش مابقاء وســط الادراج
ونــــــاج الضــــمير الحــــي بالصدق ناجه


اقفاء ظــلام الليـــل والنـــور ينباج
واصـــبح ســـكون الجــــــوا بعد الضجاجه


اصــــدر افواجــن واوردلــه افواج
ولانــــي مكلـــــف في طيــــــــور الزراجه


اي والله الاحتـــاج وشــلون محتاج
وانــــــــا بعـــصر المشتبـــــــه واحتجاجه


للواقـــــع ارضــــخ يابعد كل هلباج
واللي نفــــــــــــخ نفخـــه يطفــي اسراجه


ترى البــــحر ماحذر موجه الياهاج
واللي يحـــذف النـــــــاس بابـــــــه زجاجه


ماهو مجـــــرد هـــرج ونعده انتاج
الا علـــــى ساســــــــه بنيـــــنا ســـــياجه


الاتصال اللـــي وصل عبر الابراج
زال الكــــــدر والصــــــدر زادابتـــــــهاجه


الجـــــوا طاب وسمها فلــة احجاج
واكـــــــب زمـــــــانك ضيقتـــــه ونفراجه