السلام عليكم ورحمة الله وبركاته
الشاعر فيصل فرحان الرويلي
اقتباس:
المشاركة الأصلية كتبت بواسطة فـيصل الـرويـلي 
إهداء الى اخي العزيز العبدلي ...........
يالعبدلي لاهنت ياطيب الفال //
مواقفك تشهد عليها الرجاجيل
متوارث مجدك من الجد والخال //
تستاهل الناموس جيل بعد جيل
لاتلتفت يالقرم للقيل والقال //
وش عاد لو كثرت عليك الاقاويل
الناس من خلقت تناويع واشكال //
صدق بها العبار حكمه وتمثيل
يالوايلي اشمخ ترى العز مدهال //
العز مدهال الرجال الحلاحيل
[/QUOTE]
حي البيوت اللي لفتني ابمرسال= امعطره فايح بها ريحة الهيل
من شاعر(ن) يبدع جزيلات الامثال= عاسف قوافيه كما عسفة الخيل
فيصل يفصل مطلع البيت تفصال= معناه وافي من جميع التفاصيل
يصب قيفانه كما صب شلال= لامن درج من عقب صب الهماليل
يامرحبا مليون يانسل الابطال= ياراعي العليا زبون المداخيل
يفداك يافيصل رديين وانذال= يامسندي ترى السوالف تساهيل
الطيب له ناسه ولو دارت اجيال= وراع الوفى بيلقى بفعله محاصيل
واهل الردى يامحزمي حالهم حال= ماتعتدل ياصاحبي عوجة الذيل
مازعزت ريح العصر شمخ اجبال = وانا النجادي والليالي مقابيل
اقولها ومن قبل اقول افعل افعال= وقت اللقاء تطلع افعول الرجاجيل
واختامها باالعود الازرق وفنجال= واجمل تحيه طيبه بأول الليل
وشكرا للرائعه الاخت قيثارة على التصميم الرائع
07/10/11, (04:24 PM)
ماتعتدل ياصاحبي عوجة الذيل
العرض الشجري