خاتم سليماني بعد التطوير

[ماجد المشعلي]

السلام عليكم بعد مالقو عليها ملاحظات قلنا نسوي لها فورمات اتمنى تعجبكم

ويالييت تذكرون لي نوع البحر لاني احاول اخترع بحر مع اني اشك ان البحر لعبوني نسبه لابن لعبون لقصر ابياته وشكرن

انا ياناس تو ماجيت
حضنت الشعر ولهاني
اسابق ماضين خليت
يسابق حاضر ازماني
الا ياليت ماغنيت
رثيت الليل وابكاني
انا والليل تو انهيت
سوالف قصة احزاني
الا يالليل وين امسيت
وعقبك وين خلاني
تعبت ابني الا يا ليت
شقي الحظ شقاني
عشقته منه مامليت
مثل خاتم سليماني
قطفته لزهر واهديت
هدايا للي اهداني
كتبته لشعر وابليت
حروفن مالها اثماني
هجوسي لجلهم ناديت
تشابه طير حوراني
تشيل القاف لاغنيت
تهيض فيني اشجاني
بيوت الشعر لاخطيت
تلامس روح وجداني
انا لي وقت ماشبيت
بخوره عود ريحاني
انا بسبابهم ونيت
اوسوس به على لساني
انادي لهم وابديت
بحور الشعر عنواني
ماينفع قولتي ياليت
مادام الوقت خلاني
طعني مثل رجلن ميت
قتلني ثم داواني
وانا لولاه ماعانيت
غرامي فيه عناني
لاشك ادري ولواخطيت
هواه العذب خطاني
معاليقي عليهم صيت
ونومي منه جزاني
شعوري فز لا فزيت
يماري دون عدواني
تعلت يوم اناعديت
تعلت فوق عقباني
شبيه الجير لاهديت
نداوي حر شيهاني
عسى ربي يعز البيت
وينصر دار الايماني
وصلو كثر ماخطيت
عداد البرق وامزاني
على نور الهدى صليت
شفيعي يوم لاقاني
طلبتك كل ماناديت
الاهي عالي الشاني
تجيب اللي لهم حنيت
زمانن فات ماجاني
يروح الهرج كيت وكيت
زمان الصبر انهاني
وانا لو بالسما عليت
مردي وسط الاكفاني
...
القاسي
ماجد المشعلي