السلام عليكم ورحمة الله وبركاته
كل عام والجميع بخير
سررت بالانضمام الى هذا الصرح الراقي حتى وان كان من محض الصدفه
ولكن مثل ماقال اخي المشرف سعد النفج رب ضارة نافعة
قصيدة كتبتها بمناسبة عيد الفطر المبارك في ملتقى بني سليم في مكة المكرمة
اتمنى ان تنال رضاكم
فرحة لقا
العيد فرحه تجمع قلوب الاحباب
ترسم على كل الوجيه ابتسامه
فرحة لقا بين الاحبه والاقراب
كل على الثاني يبادر سلامه
يفرح بها راع الوصل عقب ماغاب
ياصل بها ربعه واهله وعمامه
ويفرح بها راع التقى واهل الالباب
اللي يبون الاجر يوم القيامه
وفي ملتقى السلمان للفرحه اسراب
عقب انتهى شهر رمضان وصيامه
ربعن على وضح النقى جمعهم طاب
وافراحهم فيها التواصل علامه
تجمعوا كل الاحبه والاصحاب
في مجلس اهل الخير والاستقامه
المجلس اللي يزخر بريح الاطياب
والعود الازرق من رموز الكرامه
ياحي جمعتهم شباب وشياب
اهل الوفا والمرجله والشهامه
افخر بربعي والتفاخر بالانساب
ماهو بعيب ان كان فيه احترامه
من دون قاصر بالنشامى والاعراب
كل مع اهل العرف يلقى مقامه
والله يديم الامن ويزول الارهاب
ونعيش في حكم السعود ونظامه
تحياتي للجميع
اخوكم
ابراهيم السلمي
10/11/11, (03:13 AM)
قصيدة المعايده
العرض الشجري