السلام عليكم ورحمة اَلْلْـَـَََـَہُ. وبركاته
اسعد اَلْلْـَـَََـَہُ. اوقاتكم بكل خير وكل عام وانتم بخير
هذه الابيات اخر ماكتبت وحبيت يكون اول من يقرأها انتم
سويت لے قاف ٍ ملغم ومسموم=يكرم جنابه عن جنابك وحفته
مبروك جمهورك من الفرس والروم=وإلا العرب محدٍ ملبسك بشته
كان القمر يابو سراجين ملقوم=نجمك يبين ويختفي ماعرفته
نفس الحرام اللي تسميه زقوم=ماجاد حظك لو بكفك ملكته
تبطي على ماقيل ياواد ابو دوم=ثوب العريه يفظحك لو لبسته
حافظ على رقمك ولو كنت منجوم=مايطلعك درب الخطر لو سلكته
مهزوز شخصيه ويالشيخ مهزوم=اما كشفت القاف ولا كشفته
تسرج جوادك وانت ظاري على اللوم=ماناسبك حسب النسب لو نسبته
عزالله انه يابيض الوجه مظلوم=كبر الحصان بديرتك ماعسفته
وش بعدها وبيرك من السيل مثلوم=جمه هماج بغيهبه لو شربته
سافي على دارك ولا باقي رسوم=غير الظلام اللي بعينيك شفته
سقها على همك ولا تطير النوم=ليته تحقق حلمك اللي حلمته
لاطحت بين عداك مانته بمرحوم=ياسيبك شر المخاليق سبته
البندق العوجا يجي رميها زوم=شبة فتيلتها وهدفها ذرفته
ياقوم ياليتك تخلص من القوم=وإلا كلامي باقيا ً مانصفته
الشعر له حاكم وريس ومحكوم=يابو البساط الاحمدي مافرشته
اشتر نجاتك لو يسمونك التوم=ضحضاح فكرك مغترب يوم بقته
ماني بملزم بك ولانته بملزوم=خذها نصيحة قافي اللي كتبته