راكب اللي ماشتريته لتوصيل الزبون

[معيض بن عريفج]

راكــب الـلــي مـاشـــريته لتــوصيل الزبـون = ولاشـتـريته لاجل ياقف تحت فية غطاه
ولاشــتــريــتــه لأجــل اوديــه يـم المكرفون = بالحرام انـي مـادور مكـاســب من وراه
مشـتـريــه عــلاج للــراس واهـات الشجون = كان صدري ضاق والخاطر البر اشتهاه
وجـت تـقـافـا تـقل ضلعـان شـمـاخ الـمــزون = والرعد في مــقـــدم البرق دايرتن رحاه
وهــمــلــت لــيـن امـتـلا القاع في كل الركون = والجــبـــل شـلال والوادي السيل يحداه
والصـبـاح الـماء يتقاطر على اطراف الغصون = والسماء غائم وجو البــلد ساكن هواه
مقــدر اجــلـــس ياجـماعة مع اللي يجلسون = كــان شــف الـبـرق قلبي تزايد به بلاه
ثـــم كــلــمــت المـطــانــيــــخ عــبــر الـتلفون = واتـفـقــنـــا والـوعــد- وادي كله طخاه
من خــيــار عــيــال الاصـلاب وعيال البطون = كـل واحــد دون الـلي يـقـدمه يكفي نباه
شــوشــلــيــه كــل واحــد عــلى الثاني يمون = ويلتمس حاجات ربعه وحاجات اخوياه
بـمــوقــعــن فــيه الضباء والارانب والبدون = والحــجــل والـوبـر والقيروانه والرهاه
وعـدتــي جـهــزتــهــا كــلــهــا مـنـما يـكـون = وتـنـك بـالـنزينه من البارح العامل ملاه
بـاب واحــد بـالــتــرل صـنـع زغران العيون = محركة لـكـزس ومـن جربه راح وشراه
صـوت هـيــدرزاتــه ايـقـاع فــرقة نجديفون = ان عزف عيسى وطاهر يروس من وراه
يــوم اتـلــه يـبــري القـلــب ويـزيل الطعون = يـوم يـطـفـح تـقل صقرن على ساقة قطاه
لومـن اسـبابـه تـحـمـلــت سـلـــفات وديون = ماشـريـتـه غـيـر ابـا اشـيـكـله ولعن ثواه