الشك في قلب الردي والا الجرب يبلى البعير

[فاضي عبدالعزيز]

يالله دخيلك يالولي ياللي تجير المستجير=اطلب رضاك ورحمتك ثم الجنان الباردة
يارب عونك وا لفزع اعداي ياربي كثير= الإنس وإبليس الردي مع الجنون ألمارده
ماخضع راسي وانحنى الا للجلالك يالكبير=بك اعتصم واوقف بطل بوجه الجرود الجارده
يوم اختلط ليل الدجى وصوت الذيابه والصفير=جاني الذكي بعد الغبي وانا الاول طارده
النمل اذا ريشه طلع قام يتحفز للمطير=ادري وعرف انه فنى بالبريش ربي قارده
من شافني اتفه رجل شفته انااكبر حقير=ون جتني كلمه تايحه تجيه كلمه عارده
ان شاف هونفسه بحر شفته انا اصغرغدير=اسلاحه اللي يملكه ملكي انا ما ستارده
بس اسئله بالي خلق جنه ونار وزمهرير=وش جاه مني من خطا والا افكاره شارده
الشك في قلب الردي والا الجرب يبلى البعير=وهل النمايم ماشيه بالميل ثم اليارده
جالك حديهم محتدي نسى الامانه والضمير=مسرد ولاقي له غبي يسمع كلاماً سارده
غرك في كلمت بطل فارس اليوم القمطرير= وانا اقول انك بطل فارس الحرب البارده
خلك كذا وأقصد كذا في وصف لباس الحرير= وغرد باشعرك واجتنب صدرالعرب والواردة
ابدع باشعرك وانبسط واكشخ على حساب الامير= يابطل افهم وانتبه ماكل حوضٍ تارده
لا تطق تحت الطاوله يالي تخبا بالحصير= هذي تراه ياولد بطولةٍ متحاردة
واجه على وضح النقى حتى يصير اللي يصير=واذا العدو اتبلمه انا عدوي زارده
واذا الخطا رده خطا عدو فاضي للسعير= ماسلت عن جده وابوه ولابلشت بوارده