بقايا ماتناثر // فوق // وسادتي // من ذنوب !!

[عيد الحواشيش]

"
"

لعينيك التي لم تعرف أن للشقاء لذَّةً // أشرب فنجانها


كل مساء // قبل أن // تتثائبَ // ذنوب // وسادتي



ولكم أيها الأعزاء // ولأعينكم الطاهرة النقيَّة !!


أهدي // ما تناثر فوق وسادتي ليلة // انكســــار !!

ــــــــــــــــــــ

ياللي ذبحت الشوق وأفنيت الآمال = وخليتني مابين تابع ومتبوع
وأقفيت // حتى قبل تنشد عن الحال = وأسقيتني من مر الايام قرطوع
الله حسيبي فيك // ياطيب الفال !! = ياللي حرمت العين لذَّات وهجوع
تخطي !! واسامح!! والخطا منك لازال !! = يمسي ويصبح بين محذوف// مجدوع
حروة ثلاث شهور والقلب رحَّال = بينك //وبينك// صاحب الحال مرفوع!!
لين انكسر رجال !!في قلب رجال !! = وماتت على شط الوله // حفنة ظلــــــوع
واشعلت شمعه // لين ماعد لي بال = وماتت شموعٍ //عاش من موتها شمووع
وطاحت تماثيل الغلا فوق تمثال = وارتجفت العبرات // من جفن ملسوع
كان يتمايل بالغلا كل ما مال = غصن الخطا // ومن الخطا // دمَّــه يثوع!!
ويقول : خلوها على الجرح تختال !! = من حقها // وأنا !! لها حق مشـــــروع
أحبها // بهبال // مجنون // عقَّال = وفي حبها مطبوع مطبوع مطبووووع
النافر اللي مشيها خَتل خَتَّال = مشية جفول الريم مع أوسط الخــــوع
يشفعلها قلب على صوتها قال: = لو الثمن عمري دفعته لها طـــــــوع
لذه / لها / لذه / بها / لذة / هبال!! = مجنون في صاحي بربكات مخروع
لحظة تلاقي بين عيننا طــــال = فيها التأمُّل // وانحصد كل مزروع
الموت يوم ايدنها شالت الشال = ينبوع // من ينبوع // بشفاه // ينبوع
كامل // مكلمل// كل// مافيه إجلال!! = من راسها لاطرافها // ذنب // مدفوع
يا وجد حالي // كيف // يدِّين عُذال = قدَّت قميص الشوق // والشوق // دلوع!!
الله حسيب الليله اللي بها عـــــــال = على الخفوق // اللي // غسل خده دمــوع
لين ارتوت عيني وانا وجهي اقبال = وقمت أطلب الله ليتني رايح رجـــــــووع
يلعن أبو جدين جدك ياجوال!! = ماجبتلي منها سوى حرف مــــنزوع
ليتك تركت القلب يلعبه اللال = قبل الحروف اللي بها السم منقوع!!
لكن مدام السين //تبغالها دال = وقف معاي شوي واسمع يامصدوع
ووصل كلامي دون إعمال واهمال = ولا تمنع المصروف // والصرف ممنوع
ياهند أنا وربي ما تسربلت سربال = ولا جيت أباكسي ذنبي بعذر مصنوع
ولا ني لعوب ولا منافق ونقّال = ولاني من اللي لامشى دربه خضوع
ولاني مدور هَنْد!! ياهِتْدْ!! بظلال !! = الجوكــــر اللي طاح بالنار مصروع
وان كان صدرك ضاق من هم واعلال = أنا على صدر الشقا // صرت مطبوع
يابنت أنا للهم والضيقه اجبال!! = فيـــــني ولكن ما تسبب لي الـــــروع
ومن باب تضمين القصايد والامثال = بيت لابن سيار //في قول مسموع
غيرت في قافه لاجل يُفهم الحال = لانك علي أسندت قافك على أوع
ياحسين مايشكي من الوقت رجال = أنا أعرف رجال شكا وقتها الجوع
أزوال مرَّينا ومرَّت بنا أزوال = لا ثمنتنا ولا عرفنا لها نــــــــــوعِ

لكم الحب كله // عيــــــد 18/4