هو يفرح الرمان في غلطة التين
....................... رغم ارتباك التين عند احتضانه
ماجت له التينه على كفه بلين
........................ لين احتواها بالهوى في حنانه
ما "عمّر" الرمان يا نكهة الكين
...................وما "عمّر" الرمان تركه مكانه
التين قلبي والهوى انقلب طين
.....................ورمان عمري مارحم في زمانه
ياسالبٍ لبّي من الحين للحين
.............................مافيه داعي ياهوا للخيانه
مايصلح العطار تكسير بابين
...................و مصلح زماني شالني من كيانه
ارسل لجوالي مع الوقت بيتين
...................بيتين لكن كافيه للاهانه
(كانك نويتي يالحبيبه تروحين
....................روحي عسى الله يحفظك في امانه
روحي ولا ابغى نلتقي لو بعد حين
...................لا بو هذاك الحب لابو زمانه
ذبلت عيوني وانكسر خاطري لين
...................وش لين..ماباقي بقلبه ليانه
معقول ينسى حبنا عام الالفين
................... واشعاره اللي كلها بالخزانه
تكفون يالويلان قولو له يلين
......................... ماعاد لي قلبٍ ثبت في مكانه
شاعرتنا حصه الوايلي
إشراقة كاشراقة الشمس ونوراً كانور القمر بهذه المصافحه المدججه بامواج الذهب التي تحمل بطياتها الحب والعتب حصه
لايخفى الشعر الحقيقي والمشاعر الصادقه
صح لسانك وسلم بنانك شاعرتنا حصه الوايلي التي كم ونحن ننتظر أبداعاتها
وشراقاتها المتوهجه دائماً بالحماس والانتماء الوايلي .
صح لسانك مره ثانيه
ولكي مني كل الاحترام والتقدير
06/06/06, (01:32 PM)
العرض الشجري