بطــــــاقة سوا وخويت نوف رد على بنت طلبت مني بطاقة سوا

[بندر العنزي]

نزلة من فتره موظة جديده لأنتهاز المغفلين من الشباب والرجال والموظه هي تدق عليك بنت وتطلبك بطاقة سوا بأحجه من حججها والواهيه
المهم ما ابي اطول بالموضوع
هذي قصيده تشرح موقف صارلي مع بنت تبي مني بطاقة سوا
ما ابي اطول بالكلام لا كن القصيده تشرح نفسها
انشالله تعجبكم
وابي اطلبكم طلب ياشباب ابي واحد يعلمني وشلون انسق القصيده صراحه انا ماعرف حولت لاكن ماقدرت ولكم جزيل الشكر


البارحــه يــاناس مـع غيبــة الشــوف
مـع قعــدة الخــلان واهــل الرفاقـة
دقـة علـى الجــوال قالـت تبـي نــوف
رديت مـالــي بنـوف ايــت عـلاقـة
قالــت لـي إلا رقمـــهــا يولـد شــوف
يمكن تصــرّف ماتبــي هالصــداقـة
او يمكن ان البنت به عندها ضيوف
او يـــمـكـن انـك انـت راعــي طفــاقـة
واسترسلت فــي هالحكـي قايلــه اوف
قلت اعقبي كفـي الحـكي واللفـاقـة
قــالت صــراحة اسفه مــا ابي نــوف
ودي اكــون معــك عشـق وعـلاقـة
بس قبل لا نبدى ابي مــنك مـعـــروف
ابــيــك تــرسل يـاولــد لــي بطـاقـة
واضبـــط المـكيــاج واخـتــار نفنــوف
وتشوف زولــي وتنجم فـــي لحاقـه
قالت سوا قلت اضربي عرض هالطـوف
ماني خبل يابنت ما ابغى الصداقـة
انا بدوي وعشقــي من الناس مــعروف
عشقـي عفيفـن سامـي ن مــو رفاقـة
عشقــي لعـــذرى وجهها دوم مكســوف
بزيــن وحيـا ويـا دلــع مـــع لباقـة
بس اسمعي باقي الحكـي يا ام نفنــوف
لا ابـوك لابـو نـوف لا ابـو العــلاقـة

وننتظر حكمكم على القصيده ونقدكم عليها
اذا فيه اي كسر ولا خطا علموني واكون شاكر لكم
اخوكم بندر العنزي
انا وايل وابن وايل وربعي من السباع عنوز $$$ يحق ان الرجل يفخر وجنبه ربعه اعنوزه