الموقف الرمضاني السادس ....مع مشرفتنا الكاتبة /هيااا العازمي

[سلطان الوايلي]

الاخوه الاعزاء

أعضاء وعضوات شبكة ويلان العربيه

ها نحن نعود لكم من جديد كما وعدناكم

مثل كل مره نبدأها معكم بموقفً شيق

مع أعضاء ويلان الكرام

وفي هذه المره موقفنا مع أحد أخواتنا الكريمات

واللتي لها من الإبداعات الشيء الكثير

كاتبةً كتبة الكلمه فأبدعة في كتاباتها خير أبداع

وكتبة الخاطره والقصه فكنا من متابعينها

رائعةً دومً بمواضيعها وسلسه في أسلوبها

نشطه في حظورها مبدعةً في ردودها

أنها الكاتبه الاخت / هيا العازمي

وإليكم موقفها الرمضاني الرائع

المشاركة الأصلية كتبت بواسطة هيـاا العـازمـي

اتشرف والله يا سلطان بهذه الدعوة الكريمة

مع ان مواقفي في رمضان لا تحسب

لكن بقولك كم موقف صاروا

أول يوم رمضان
جتني بنت جارنا الصغنونه عمرها 8 سنوات ..
واقعدت قدامي ترفع رجل وتنزل رجل مثل وضعية التسخين في الرياضه
شوي ولا تبكي وعيونها اغرقت دموووع " فديت روحها أنا "
قلت لها شفيج حبيبتي؟؟ ليش تبكين شنو فيج ..؟؟
قالت : هنووياا مدري شفيها ارجوولي تولع وتطفي
أنا مت ضحك اهنيه هههههههه على تعبيرها البسيط والبريء
هي قصدها طبعا ان ارجوولها تنمل هههههههههه


وموقف ثاني ثاني أيام الشهر الفضيل :
أنا صايمه وتعبانه .. ومن التعب ما رحت المدرسه ..
المهم دقت علي وحده عزيزة على قلبي
تقولي تبيني اروح وياها الموول أنا اهنيه ماعرفت شقول ..!!
أقولها اني صايمه ولا أقدر امشي أو اتحرك مافيني حيل
استحيت اقولها الصراحه ووافقت اروح لكن من داخلي مابي اروح ومقهوره
المهم واحنا بالمووول مدري شصار فيها وتزلق ارجولها وتطيح قدام الناس
تعال للنذاله اهنيه عاد هههههه ولا كأني اشوفها كملت مشي
ولا كأني اعرفها
والمسكينه تقولي أنا اللي استاهل على سحبتي لج للموول وانتي مالك خلق
حبيبتي والله


والموقف الثالث البارحه ..
قعدت من النوم متأخرة على المدرسة وسرعه سرعه ألبس وأروح
ولما دخلت المدرسة اطالع ارجولي والاقي روحي لابسه جزمة الرياضة
" السبورت" " الله يكرم من يقرأ " بدال الجزمة الرسمية
طبعا شكلي كان يضحك وغلط وأنا لابسة لبس المدرسة الرسمي
لكن ارجوولي أنواع الفشله والفضيحة
ومن هناك أنواع النذاله والضحك من الزملاء والزميلات

ههههههههههههه هذي هي المواقف

أتمنى اني ما أكون طولت

وكل عام وانتم بخير وصحة وعافية

تحياتي

هيـــاااا