السلام عليكم ورحمة الله وبركاته
شلونك سلطان وكل عااام وانت بخير
تسمع بقممة الاحراج !!!
قمة الاحراج صارت لي بهالموقف في احد الرمضانات اللي فاتت وقدام مجموعة نااس
ولوهو واحد ولا اثنين كان اشواا و كل ماتذكر هالموقف اقول لاعادت ولا جادت
باختصار .... هذا سلمك الله كنت ساكن في حي هادئ وكان وسطه مسجد صغير وش حليله
وفيه برادة ماء هناك عند الجدار قدام المصلين مدلعينها وقدامها كرسي وماها بااارد
وجايبين لها قدح نحااس مزخرف يوم تشرب الماء منه يبرد على كبدك وتحسه يسري بعرووقك
وانا الحقيقه كنت متعود اقوم بعد الصلاه واشرب من هالبراده خصوصا بعد صلاة الظهر
المهم في اول ايام رمضان رحنا لصلاة الظهر ودخلت المسجد وكنت عطشااان و ذابحني الظما
صليت مع الامام ويوم سلمنا الا عيوني يوم طارت بالبراده ماهي غريبه علي كل يوم اشرب منها
ولاعندي من رمضان طاري ونسيت الصيام كللله
ماطول عليك والله وانا اقوم وانا اتوجه بكل ثقه للبراده وكبدي متعطشه للمويه
واكيد كل المصلين كانوا مركزين علي الحين ولا فيهم اللي تكلم
يوم وصلت لها الا وكنك صافقني على وجهي وتوني اصحي واتذكر اني صايم والمشكله بهاللي وراي يطالعون ويترقبون
بس ماعليك اخوك رقعها وصرفها انتبهت ان فيه دبة مويه جديده مليانه جنب البراده
وعلى طووول اقوم وافكها وحطها محل الاوله مع ان الدبه الاوله باقي فيها ربع مالها الا كذا
وانا متأكد ان االمصلين ماهضموها بس وش اسوي
ومن البراده طال عمرك سيده على باب المسجد وعلى البيت وليومك مادخلته حتى الحااره شلعت وغيرت البيت
وسلامتك ,,,,
17/10/06, (07:03 AM)
الموقف الرمضاني السابع مع ... العضو المتميز $$مهاجر$$
العرض الشجري