اعيال وايل

[معوض معيض العنزي]

اخواني الويلان اهدي هذه القصيده من قصائدي
الى منتداكم العزيز الذي يحمل اسم الويلان

سلام مني عدد ماهلـت ارعـود =
=وعداد ماهبت هبـوب المخايـل
وقت الربيع اعداد مايخضر العود =
=عداد كتبـات القلـم باالسجايـل
قصيدتي وجهتهـا يـم جلعـود =
=جلعود ابن وايل على الطيب طايل
مني سلام اسلام مثني ومـردود =
=من قلب صافي مايكـن الدغايـل
الطيب اللي يكسب الطيب والفود =
=واهل الثقايـل ترتكـي للثقايـل
نعمن بكم ياهل الوفاء ماكر الجود =
=للطيب زرع و للمكاسب حصايـل
انتم هل الشومات والفعل معـدود =
=وانتم هل الطولات واهل الفعايـل
اعيال وايل باللقاء تكسب الـزود =
= افعالهم نبـراس بيـن القبايـل
اعيال وايل تارد العـد وعـدود =
=لاصارت القالات فعـل وصمايـل
اعيال وايل طيبهم مالـه احـدود =
=نثبت على صدق الحقايق دلايـل
اعيال وايل فعلهم بااللقـاء كـود =
=ميقافهم فيه العجـب والهوايـل
اعيال وايل للعداء تـرث الهـود =
=فزعاتهم مابين صايـل وجايـل
اعيال وايل لهم تاريخ وشهـود =
=اعيال وايل من اخيـار الحمايـل
اعيال وايل بااللقاء تنطح اجرود =
=دلو طريق اللي عن الدرب عايل
اعيال وايل كلها ابطال وافهـود =
=خصيمهم لامـال مالـه عقايـل
اعيال وايل بيـدت كـل مقـرود =
=يشفون غبنات الجروح العلايـل
اعيال وايل لامشت مشيها اسنود =
=عدوها شـاف النجـوم القوايـل

تحيات اخوكم \ معوض معيض العنزي