للتواصل بعد الغياب
واعتذر عن طول الغياب
آملا ً بأن تشفع لي هذه البويتات
طول غيابي :
كم ليلة ٍ مرت وانا ضايق البال=والصدر ضايق ماهو خبرك شمالي
من ضيقة ٍ في داخل الصدر تجتال=من هولها قامت تزاحم خيالي
هول ٍ يهول اهوالها هول بهوال=ومن هول بلواها تزود هبالي
ضيق ٍ يضيق ضيقتي ضيق بغلال=ومن ضيقتي ضاقت مساعي مجالي
كله سبب وقت ٍ عطى وضعي اهمال=امهمل ٍ وضعي ولاهو بسالي
وقت ٍ ردي ٍ يرفع اشكال واشكال=وخلا الردي فوق النجوم امتعالي
ودامه ردي امذخر بكثر الاموال=يصير شيخ القوم صاحب معالي
ولاجاك عفن الساس يمشي ويختال=وتقصد به الشعار ياهملالي
كله نفاق وكذب ياطيب الفال=كله مصالح جعلها للزوالي
ولاصرت رجال ٍ ولاتملك المال=محد ٍ يعبر جيتك منت غالي
فقير ما يلقى برصيدك ولا ريال=بعيونهم ثوب ٍ قديم ٍ وبالي
ناس ٍ تبي من كذبها كسب الانفال=ماتطمح الـ كسب العلوم الجزالي
مع كل الشكر لمن مر من هنا
متعب المضعان
03/12/06, (11:33 AM)
للتواصل بعد الغياب (( كسب الانفال )) ...
العرض الشجري