][][§¤°^°¤§][][ عـــدنــان و لـــيــنــه ][][§¤°^°¤§][][

[صالح العرجان]

سجل اعجابي


صح لسانك يا خالي




ياربعنـا يامحتمـيـن المواقـيـف
مافيـه داعـي للعلـوم الهزيـلـه

هـرج القفـا مابيننـا والسواليـف
مامـن وراهـا كـود ذل وفشيلـه

حنا بنـي وايـل ولافيـه تزييـف
نفخر بفعـل رجـال عـز القبيلـه

اللي فعول ايمانهم بالخطـر شيـف
يوم انها بالسيـف فـوق الاصيلـه

واليوم كل الناس صـارت مواليـف
من فضل رب الكون ستر وفضيلـه

قلته وانا عندي عن الوضع توصيف
شاعـر واباوجـه رسالـه جليلـه

لهل النمايم والضعـوف الملاقيـف
اللي فنون الطهبلـه تستـوي لـه

ينبش قبور امـوات ردوا مناكيـف
ويحّرث ارض" دمدم العـجّ سيلـه

عقب الرخا جتنا ختـوم المظاريـف
وكل" على ماقيل يحسـب حصيلـه

ياحيف يابعض الرجاجيـل ياحيـف
اللي علـى ربعـه يشـب الفتيلـه

وياساعـي" بالتفرقـه والتحاريـف
بالمختصر مالـك ومـال الطويلـه

راس الجبل ماحركتـه العواصيـف
عالـي ولاهمـه عجـاج النثيـلـه

وياعيال وايل بسمكم كـل تشريـف
اسـم" يعـز وكلنـا ننتمـي لــه

هبوا معي في صف واحد كما السيف
سيف" ينومس باللقـا مـن يشيلـه

ونبقى سوا في وجه ميل الصواديف
والجمـع قـوه والمعالـي وسيلـه

وياربعي اللي تحتمـون المواقيـف
ماضاع رجـل" حـط عقلـه دليلـه



عذرا فالقصيده منك واهديها لك