.."طق..طق" افتح ابوابك !!!!

[فهد الخدلي الفدعاني]

على باب اضلعي دقت..//.."طق..طق" افتح ابوابـك
انا ضيفة علـى قلبك..//..ومثلـك يكـرم ضيوفـه

وقبل ما اجاوبه ردت ضلوعي ..//.. " نوخ ركابـك
" هنا ..والا هنا... كيفك ..//.. تراها حيل محفوفـه

وضاقت وش تقدم لك؟..//.. بعد مـا ربهـا جابـك
وانا اخبر الضلوع العوج..//.. تصير احيان ملقوفـه

وقلت شلون ياضلعي؟..//..يجي لـك سيـد احبابـك
ولا تدري وش تسوي!!..//..وبه عادات معروفـه!!

خلاص اقعد انا اكمل ..//.. "هلا يامطـول غيابـك"
هلا يا اغلى بشر جاني..//..لـه الاضـلاع ملهوفـه

تقهوى.. من فناجيلي..//.. وانا فيهـا اتقهـوا بـك
أبي تقدع ضما عمري..//.. وتشرب منـي طيوفـه

وبعد ماني تغافلتك !!..//.. ابي اكثر انا اهنـا بـك
قعدت ألهّي عيونك ..//.. وأمـوّل "أووفٍ و أوفـه"

وذبحت القلب لعيونك..//.. وضلعي قـام هـلا بـك
تفضل..!!ماهو بقدرك..//..وقدرك يصعب وصوفـه

تفضل اغلى ما املك..//.. نحرته لاجل ابحضى بـك
أبي قربك..أبي حبك ..//.. أبي قلبـك.. بسرجوفـه

تفضل سم..!! مد إيدك ..//..على كيفـك بمخلابـك
تفضل.. قطع قليبـي ..//..وربـي ماهـو حسوفـه

تصدق ..!! قالو اصحابي..//.. عشانه بعت اصحابك
ضحكـت وقلـت "وعيونه"..فـلا تسـوون نفنوفـه

اعيش بجمرك وثلجك..//..واموت بنظـرة اهدابـك
واضيع بليلك وصبحك..//.. وثمانٍ فيـك مصفوفـه

ألا ياوردة النرجس..//..قسم لـو صـاب ماصابـك
فلا يمكن ذبول اسمك..//..وغيرك مـااات بقطوفـه

لك الله ما اصعبه وصفك..//..ولوني واقـف ببابـك
اشـووف المـوت قدامي..//..وتلمـع منـه سيوفـه

ولكـن دام جيتينـي ..//..تـرا هالقلـب حيّـا بـك
وانا لي قلب عاداته ..//.. يرحـب دوووم بضيوفـه



الشاعر : مصلح النشمي

صح لسانك ملياااااااااااار

ويسلم راسك يالذيب ولاهنت

دمت ودام ابداعك يابعدي

تقبل مني خالص التقدير والاحترام