إلــى ابــن فــطــيــس

[فارس البيان]

إليكم القصيدة



ألا يامحمد بـن فطيـس ألا يامبـدع القيفـان
سلام الله ومن بعد السـلام أنصـت لقيفانـي
قصيدة من عتب ما هي قصيدة شاعر طربـان
أقدمها وفكـري يستفـز أعصـاب شيطانـي
من هجوس ليا جاه الطلب والا لزومـه حـان
قبل لانخاه لبيوت الشعـر ياقـف و ينخانـي
أصوغ الشعر بافكاري و أقوله واللسان حصان
و أنا من دون ربعي بالمواقف مسرج حصاني
أقول الحق و أبعد عن كلام الزور و البهتـان
و حشا ما تطلع الزله يابن مـرة مـن لسانـي
نيابه عن قبيلة مجدها مـن ماضـي الأزمـان
قبيلـه قبـل ميـلاد النبـوه مجدهـا بـانـي
بني وايل مزبنة الدخيـل اللـي زمانـه شـان
عزيزين الجناب مقدريـن الضيـف و العانـي
أقدم شرهتي عن لابتي وأقـول لـك غلطـان
غلطت و غلطة الشاطر تقيف و مـا تعدانـي
مدحت ابن خليفه يوم جيت بحفله اللـي كـان
ببحرين الوفا يومـك تقـول الشيـخ نادانـي
مدحته في خواله دون تمدح ربعـه الشجعـان
و نعم في ربعك العجمان من قاصي ومن داني
رجال قدرهم عالي و يكفيهـم فخـر راكـان
ابن حثلين لا دقت طبـول الحـرب الآذانـي
قبيلة عز وتعـز الخـوي و تقـدر الضيفـان
قبيله من نسل يام أهـل الشيمـه والاحسانـي
و لكن ليش ما ذكرت ربعـه عالييـن الشـان
و هم بين القبايل لهـم قـدر و رفعـة شانـي
أنا ما أعتقد أنه سهـو و إلا السبـب نسيـان
لأنك شاعـر تتقـن بيـوت الشعـر إتقانـي
إذا قصدك على شان ابن عيسى فارس وسلطان
و طيبه من خواله يوم صار الشيـخ سلطانـي
فأنا أبا اقول لك كلمـه مهمـه بالفـم المليـان
حمد قدام هذي مـن نسـل ذربيـن الأيمانـي
من الحسني.من دغيم. من السلقا. من الويـلان
من رجال الشرف والمرجلة من نسل جدانـي
يشرفكم نسبه و هو يتشـرف طيـب الجـدان
يشرف فعـل جـده لأولـي و جـده الثانـي
و مهما كان حنا كل أبونا أخوان مهمـا كـان
و لكن الخطا وارد حصولـه بيـن الإخوانـي
أنا حبيت أوصل لك رسالـة شاعـر شرهـان
لحقك منه عتب و إلا الخطا ما هو من لسانـي
رسالة شاعر من بني وايل من ضنـا سليمـان
من رجال لهم بيـن القبايـل رفعـة وشانـي


مـشـعـل الـضـوي





واااااااااااااااااافــــــــــــــــــــــــــــــ ـــــــــــــــــــــي يالبناخي




صح لسانك يامشعل على هالابيات الموقره والجزله منك ياعريب الساس




وبني وايل معروفه عند كل القبايل وهذه قبيلة وائل لامجال فيها للشك ولا الريب




وتكتفي بني وايل

	بثناء سيد الانبياء والمرسلين (محمد عليه الصلاه والسلام) (( قوم اولي باساً شديد ))

الذي هو خير من ثنائي وثناء اي مخلوق على الارض






وبيض الله وجهك وتسلم يمين الي على الطيب ربوك




واقول كلمة حق والحق يُقال يقف التاريخ اجلال واحترام وانخدام لبنو وائل