,’,’,’ كذاا ليله ..كذا ليله ..ظهر صوتي وانا انــوحــي ..!!,’,’,’

[ماجد الغانم]

الأخت العزيزة


مشاعر حالمة

صح لسانك ولاهنت

قصيدة لا مسة الوجدان .................

وأحساس صادق من أحساس مشاعر الحالمه

فالأم بدون أدنى شك تستحق منا الكثير والكثير من التضحيه

لله درك .............ولافض فوك



بسرج صهوة القيفان واكتـب فـي غـلا روحـي
عساني مانحـرم منهـا حياتـي نبـض وجدانـي
دواي وبلسمي الشافـي تـداوي دامـي جروحـي
تحاتي قاسـي همومـي وتسهـر ليلهـا تعانـي
( كذا ليله ..كذا ليله ) ظهر صوتي وانا انوحي .!!
وجات امي على خـوفٍ تطفّـي حرقـة احزانـي
الى مني بكيت ورحت صـوب امـي ابـا بوحـي
تجي ويّاي فزّاعـه علـى اللـي ابكـى اعيانـي
فديت أمي فديـت ترابهـا اللـي عطـره يفوحـي
يفوح من الحنان اللي بمواطـي رجلهـا الحانـي
انا امي غاليـه عنـدي غلاهـا بانـي صروحـي
صروحٍ عاليه فالقلب وسـاس الصـرح شريانـي
ياليت اقدر اجازيهـا بشـي(ن) فيـه مصلوحـي
بعطفٍ وافـر ورحمـه وصـادق بـرّ واحسانـي
انا غاية مرادي هـي ارضـي نفسـي وطموحـي
طموحي هـو رضـا أمٍ تحـت أقدامهـا جنانـي
عسـى ربـي يخلّيهـا تعيـش ايّامهـا فروحـي
ويبعـد عنّهـا همـوم الحيـاة وظلـم الازمانـي

لله درك ...........لله درك .........لله درك

صح لسانك مرةٍ أخرى

ولافض فوك ...............


دمت بكل خير

ودام هذا التميز والأبداع