( موضوع مهم .. لأصحاب الهمم العالية )

[صالح العرجان]

وهذي القصيده كاملة ؟!


،،،،،،،،،،




المجلس اللي به اسماعيـل وسعيـد
ينعاف لو قربه على القلـب غالـي

اسماعيل ماسمته سمـوت الاجاويـد
وسعيدماداجـو علـيـه الرجـالـي

عيالك الضمران والفـرس ياسعيـد
ياعل ما لحميض الاطعـاس والـي

أنـا بـلاي مزهبـيـن البـواريـد
هـل البنـادق ميتميـن العيـالـي

مابيـن شمطـان اللحـى وألأواليـد
نضت قروم فـوق مثـل السيالـي

مركاضهـم ياسعيـد مابـه تصديـد
ذباحـه الطيـب نهـار الكتـالـي

تاتيـك جمعـات ادروبـه مواريـد
تضيمنـا يـا سعيـد بالاحتمـالـى

ياسعيد لاتضرب علـى حبـة الديـد
بشلفـا تسـل الـروح بالاشتعالـي

بديارفطمان البقـر مرتـع الصيـد
ما عندك اللي عن حوالـك يسالـي

ياسعيد هرجك لـه مغيـر ومراديـد
تحمّل من الهرج الرخيص الجمالـي

هرج على اكتاف العـذاري مناقيـد
مايطيـب الصبيـان كـود الفعالـي

عرب جوابك يافتى الجـود ياسعيـد
عن قوله ثـاري سعيـد استزالـي

عميـت يالسبـه جميـع القواصيـد
ماقلت بالشعـار طامـن iiوعالـي

عميـت نمـر والمهـادي وابازيـد
عز الظعن حبس الكميـن الهلالـي

ومشعـان والطياروعقـاب وعبيـد
وعبدالله المصطور ماضي الفعالـي

والعسكري ومصيخ وهديب ورشيـد
وحسين حمـاي الركـاب iالتوالـي

وجمل وبن حثلين والفغـم وفهيـد
وعنتر الى ما عـدل الشيـل مالـي

وصعب اليا عدوصطـام iالاضاديـد
وسعود ابـن سعودراعـي الفعالـي

وعمير وعرار هـل الكـود والكيـد
مخلين سروج الخيل أو يـا دوالـي

وحطاب اللي بالصحن ينفض الغيـد
وبريك محـي بالركـاب المسالـي

ورميزان هو والعرفجي ذاك أبو زيد
وساجـر مسـوي للذلـول النعالـي

ابن دعيجا اللي كمـا بيتـه الحيـد
وابن سمير اللـي بقـرن الشمالـي

اللـي ركابـه حـادرات iiمسانيـد
ابـن دعيجااللـي يفـك التـوالـي

ومسفر ابن غازي ونومان iiياسعيد
وجارد املضـي للشخيـل العلالـي

ونايـف دلال مدلـلات iالمغـاريـد
وفهيدزبـون مجنفـرات المتـالـي

والاشمل اللي مـن منـاه الترادييـد
ومطلق مطبـق بالغديـر iالزلالـي

وجديع خيـال السمـان المصاعيـد
مودع مع الدعثـور مثـل العزالـي

طبع بهم ياسعيـد صـدر وتوريـد
وفهـق وتقليـط وفتـل وعـدالـي

ياسعيـد أناثنـواي دون الأجاويـد
هـل الصحـاف ومتعبيـن الدلالـى

عشرين مع عشرين لاأنقص ولا أزيد
وافين من غيـر القصيـد الافعالـي

حنا عبـاة(ن) مالقـي بـه لواكيـد
وأنا بعـد مثلـك علـى قـد حالـي

صلاة ربي عد مـا هـل مـن عيـد
على شفيع الخلـق عـد السهالـي



وسلامة القارئ ،،،





صالح العرجان