اقتباس:
المشاركة الأصلية كتبت بواسطة عبدالله عايد
السلام عليكم ورحمة الله وبركاته
اعزائي مشرفي واعضاء وزوار منتديات ويلان
اسعد الله جميع اوقاتكم بكل خير
قصيدة اضعها بين ايديكم لعلها تشفع لغيابي وتنال رضاكم
هنا معاني للشعر يا حضرة العقل الحكيم = هنا بداية للسلام اذا البشر تبغى السلام
هنا التوخي والحذر من صدمة الفكر الغشيم = هنا التأني والرضى يا ضيعة دروب الوئام
تعبت من كثر الحكي واتعبني الهرج العقيم = اذا البشر ما تقتنع وش فايدة كثر الكلام
لو شفت وجهي للمغيب ومشيتي مشية هميم = لا تحسب اني طامع ٍ في قلبة شداد السنام
اقفيت في قلبي قدر وجروح والله العضيم = مغير شرهه كنها تلعب مع اسراب الحمام
في داخلي منهم عتب يسكن رضى رجل ٍ حليم = اذا ضحكوله يبتسم واذا سكتوا صلى ونام
يعني عليهم به زعل وبحبهم قلبه كريم = من دونهم ياقف خصم ويجوّد نصاب الحسام
لن الجديد بدنيته يعيش في ذكر القديم = في داخله بالمستطاع ياحول بمنع الصدام
كذا الحياة بداخله تمشي على النهج السليم = يحسب حساب الهينة من شان يحسب للعظام
في غيبته يرسل سلامه كل ما هب النسيم = وبوحدته تطري عليه ويمتلي وجهه عسام
يعني اذا بشبهه حاله مثل حال اليتيم = واقول اشد من اليتيم اذا الحلق فيه انفصام
ومن بعد طولك يالغياب وبعد ما النجمه نديم = يجيبه الله بينهم قدام زند الإتهام
زادو خطاهم بالخطا في ظلمة الليل البهيم = ثم اطرفو عينه كذا في وابل بنبل السهام
كله سبايب كذبة ٍ من صاحب الهرج الذميم = واصغو مسامعهم لها ثم زادت الوضع إحتدام
يافرحة لسان اللهب لا قابله غصن ٍ هشيم = يا ضيعة ارجاء البلد اذا انكسر عرف النظام
ياهي صعيبه لا اختلط حق المواطن بالمقيم = ياشينها كان انقلب جسر التواصل للركام
قد قالو هروج القفى ميزه تكاثر بالحريم = وقد قالو الحكم الغيابي يكسب القاضي ملام
وراع الردا ما فاد به حتى ولو وجهه وسيم = والليل الاسود ما منع قناصة طيور الظلام
بكرة تبين اطرافها ثم يظهر الوجه اللئيم = واذوقه طعم المرارة وسط كوب الانهزام
ثم استعيذ بخالقي من شر شيطان ٍ رجيم = واصلي لوجهه نذر واصلي بليلي قيام
واهلي بطش المطر واليا اسفهلت ديم ديم = والعب على غصون الشجر وعانق خدود الغمام
وارجع على ذاك العتب في داخل الرجل الحليم = اذا ضحكوله يبتسم واذا سكتوا صلى ونام
وسلامتكم
|
الله الله ياشيخ
يافرحة لسان اللهب لا قابله غصن ٍ هشيم @@ يا ضيعة ارجاء البلد اذا انكسر عرف النظام
في الصميم
جزل في كل حالاتك
صـــــح لســــــــانك ولاهنت
تقبل تحيتي ودمت بود
27/10/07, (03:43 PM)
رد: لسان اللهب
العرض العادي
