$$$ الخـــــــوي $$$

[سعد النفج]

المشاركة الأصلية كتبت بواسطة سالم صالح

قصيدة متواضعة ارجوا ان تحوز على رضى الجميع وكذلك رضى من هي به لانها قليلة في حق الطيب والطيبين


فهي موجهه الى اخي العزيز الاستاذ والشاعر/عبدالكريم الدريميح العنزي

وكذلك الاخ الاستاذ والشاعر/ماجد الغانم العنزي
والعذر والسموحة على التقصير

كل ماتذكرت الخوي قلت وينه=وين الذي ابفعله الطيب جزام
وين الذي تنصاه لاجت غبينه=تلقى السعد في وجه حرٍ وصرام
يامن علومك دوم تهوى الثمينه=شف كم لكم في قمة المجد ارقام
كم ليلةٍ وانا اجمع بدينه=احاول اصل يافتى الجود بشمام
اعدد امجادك وافك الرهينه=عجزت لاصل طيبكم بحر لطام
قلت اكتب علومٍ بها ذاكرينه=خلك معي ياصاحبي بس بالمام
هذا كريّم لاعطى خذ سمينه=حطه على يمناك وحطه لك حزام
تلقى السخاء والطيب ساكن يمينه=ماتقصر اليمنى ولومرت اعوام
وسيع صدر ودوم يفرح عوينه=حتى هروجه كلها نصح واحكام
ماهو من اللي خلف يطعن قرينه=ولامن اللي ينقل العلم نمام
فيه المراجل كوم تسوى مدينه=ينام غيره وهوعن الطيب مانام
تقصر يدين الاش ماهي يدينه=ويفداك كل عفنٍ لاصحت نوام
واذكر ابوغانم احصونه حصينه=شف منزله بالطيب تلقاه قدام
ماهو من اللي يتبع الشين شينه=خل الهزايل لاهلها وانت علاّم
حرٍ على يمناك يسعد ظنينه=هده على الجزلات لصيد غنام
ولواذكر اهل الطيب واعد زينه=كان امتلت كل السجلات اوسام
بس العذر لاهل العقول الرزينه=حيث ان مجدكم مايحتاج الاقلام
لاشك هذي وقفةٍ من كنينه=لاطيب واهله رافعاتٍ للاعلام
ويعل بيت الطيب حباله متينه=وعمدان بيته مابها كسرة عظام

صح لسانك يا بو دانه..


شموخ الكلمه أجده هنا في هذه القصيده..

رائع دائما ..

و يستاهل الممدوح..

و الخوي لاشك انك ابدعت في توصيفه و اوجدت الصفات التي يجب تحلي الخوي بها..


و انشهد ان خوتك تاج يا بو دانه ..

تقبل تحياتي و تقديري

[مزيد المزيد]

سالم صالح

سلمت يمينك ولاهنت وصح لساااااااااانك مليوووون

عبدالكريم دريميح وماجد غانم يستاهلون كل خير وخوتهم طيبه وكل من قابلهم يلمس ذلك بنفسه

صح لسانك ولاهنت

دمت بخير

[حمد الخمعلي]

الاخ سالم صالح

صح الله لسانك


وسلمت يمينك

[صالح الجطيلي]

سالم صالح

صح لسانك

دمت على الطيب وهم يستحقون

الله لا يهينك

دمت بود

[سالم صالح]

المشرفة والفنانة التشكيلية/ شيهانة


مررورك اعطى القصيدة اشراقة من نوع اخر


صح بدنك وجعلك على القوة دائما وشكرا من القلب الى القلب

[سالم صالح]

خلف الغريب

اشادة من شخص اعتز به واطلالة لها طابع خاص من مشرف من نوع خاص


صح بدنك والله يعطيك العافية

[سالم صالح]

الاخ الشاعر/ماجد الجعفري

شكرا لك على هذا المرور اللطيف منك


وهذه القصيدة هي نتاج للشعور الذي اكنة لكل صديق يقدر الخوة وهم كثر ولله الحمد ولكن هذه القصيدة اصبحت من نصيب من لهم نفس تسع الجبال والهضاب وهذا هو الطيب حسب منظوري من دون اجحاف لطيبهم الاخر

بغير قصور بالزملاء الاخرين وهم يعرفون قدرهم لدي